Sauniga o le Aoauli o le Aso Toonai
Tatanuina o a Tatou Auupega o le Fouvale
O Nai Vaega
O le fouvale e mafai ona tuu sao pe leai foi. …
Atonu o le ituaiga e sili atu ona faataumaoi faasaga i le Atua, ituaiga faatagāfai--e faatuatuanai ai i Lona finagalo i o tatou olaga. E toatele atonu e le mafaufau lava i le fouvale faamo’imo’i atonu o la lava e tetee i le finagalo ma le afioga a le Atua e ala i le tulitulimatagauina o lo latou lava ala e aunoa ma le mafaufau i le taitaiga faalelagi. …
O pelu ma isi auupega na tatanuina e le au Sa Lamana na liua, o auupega o le fouvale ona o le ala na latou faaaogaina ai na mea. O na foi ituaiga o auupega i lima o o latou atalii, na faaaoga e puipuia ai aiga ma le saolotoga, sa le o ni auupega o le fouvale i le Atua….
I lea lava foi ala e tasi, e i ai mea i o tatou olaga atonu e le afaina pe tatou fananau mai e lelei, ae a faaaoga i le ala sese ona avea ai lea ma “auupega o le fouvale.” …
… Afai o lo tatou alofa i le Atua ma lo tatou naunautaiga e auauna atu ia te Ia ma o tatou loto atoa, mafaufau, ma le malosi atoa ua avea ma uiga faaauro tatou te faamasinoina ai mea uma ma faia ai a tatou faaiuga uma, ua tatou tatanuina a tatou auupega o le fouvale. E ala i le alofatunoa o Keriso, o le a faamagalo ai a tatou agasala ma fouvalega o le tuanai e le Atua, ma o le a aveesea ai pisipisia o na agasala ma fouvalega i o tatou loto. …
O le tatanuina o a tatou auupega o le fouvale, e taitai atu ai i se olioli tulagaese. … Tau ina ia tatou tanumia—ia matuā loloto lava—soo se elemene o le fouvale e faasaga i le Atua i o tatou olaga ma suia i se loto naunautai ma se mafaufau naunautai.