Afifio Mai Ia i Le Ekalesia o le Olioli

Ona o le fuafuaga alofa a lo tatou Tama Faalelagi mo Ana fanau taitoatasi, ma ona o le soifuaga togiola ma le misiona a lo tatou Faaola, o Iesu Keriso, tatou te mafai ai—ma e tatau—ona avea i tatou ma tagata sili ona fiafia i le lalolagi! …

… Ma e leai se isi mea e tatau ona sili ona manino ai lo tatou olioli o se nuu nai lo le taimi tatou te faapotopoto faatasi ai i Sapati taitasi i a tatou sauniga faamanatuga e tapuai i le faapogai o le olioli uma!

Migao e tumu i le Olioli ? “Se mea moni lena mea?” atonu e te fesili ai. Ioe, o lea lava! E loloto lo tatou alolofa, faamamalu, ma faaaloalo i lo tatou Atua, ma e tafe mai lo tatou migao mai se agaga e olioli i le alofa tele, alofamutimutivale, ma le faaolataga o Keriso! …

Afai tatou te faapotopoto ina ia faamanatuina le Faaola ma le togiola o Ia na mafai ai, e ao ona atagia mai i o tatou foliga lo tatou olioli ma le lotofaafetai! …

… O loo tusia i le mau e faapea “o le pese a le amiotonu o se tatalo lea i le [Atua]” [Mataupu Faavae ma Feagaiga 25:12] e fiafia i ai Lona agaga. Ia, tatou pepese! Ma vivii atu ia te Ia!

Tatou te faatotonugalemu a tatou lauga ma molimau i le Tama Faalelagi ma Iesu Keriso ma fua o le ola ma le lotomaualalo i la La’ua talalelei, o fua e “sili ona suamalie i mea suamalie uma” [Alema 32:42]. …

… Pe na maligi o tatou loimata o le faanoanoa po o loimata o le lotofaafetai i le taimi o le faamanatuga, ia avea lena o se mafaufauga matagofie i le tala e lelei o le meaalofa a le Tama o Lona Alo! …

… O se valaaulia lenei ia maua le meaalofa o le filemu, malamalama, ma le olioli a le Faaola—ia olioli i ai, ia mafaufau i ai, ma ia fiafia ai, i Sapati taitasi. …

Afifio mai ia i le ekalesia o le olioli!