Sailia o Tali i Fesili Faaleagaga

O le faia o fesili ma le sailia o faauigaga o se vaega faalenatura ma masani ai o lo tatou aafiaga i le olaga faaletino. … O le fuafuaga a le Atua e alofa mutimutivale i tapulaa o lo tatou tulaga faaletagata; saunia mo i tatou lo tatou Faaola, o Iesu Keriso, e avea ma o tatou Leoleo Mamoe Lelei; ma musuia i tatou e faaaoga o tatou faitalia e filifili ai o Ia. …

O le ala a le Atua le Tama ma Lona Alo e faailoa mai ai lo Laua atamai ia i tatou, e faamuamua ai le valaaulia o le mana o le Agaga Paia e avea ma o tatou faiaoga patino a o tatou faaogatotonu Iesu Keriso i o tatou olaga ma i lo tatou sailia ma le faatuatua o a Laua tali ma la Laua faauigaga. …

… Ua fetalai mai le Alii ia i tatou, e ala i lo tatou usiusitai ma le maelega, e mafai ai ona tatou maua le poto ma le atamai. E lei mamanuina tulafono ma poloaiga a le Atua e avea o se maagao i lou olaga ae, o se avanoa mamana i faaaliga faaletagata lava ia ma le aotauina faaleagaga. …

… Ua faamanuiaina i tatou i le i ai o Iesu Keriso o lo tatou Matai Faamalolo. O lo tatou usiusitai i tulafono ma poloaiga a le Atua e mafai ona matala ai le auala mo lo tatou Faaola e tuuina mai le malamalama ma le faamalologa e silafia e Ia tatou te manaomia, e tusa ai ma Lana muai fuafuaga o le togafitiga mo i tatou.

Uo pele, ou te molimau atu o a tatou fesili faamaoni o le talalelei e mafai ona tuuina atu ai i le Tama Faalelagi ma Iesu Keriso ni avanoa e fesoasoani ai ia tatou tuputupu ae. … Ou te molimau atu o le tuu o lou faalagolago i le Tama Faalelagi ma i Ana perofeta, o e ua Ia auina mai, o le a fesoasoani e siitia ma uunaia ai oe faaleagaga i luma agai i le tafailagi ua faalauteleina a le Atua.