Ola e Tusa ai ma Ou Avanoa

O sauniga o le perisitua ma folafolaga o feagaiga, e faataga ai le Atua e faapaia i tatou ma galueaina mea ofoofogia i o tatou olaga. Ae faapefea ona tupu lenei mea?

Muamua, ina ia mafai ona faaalia mai e se sauniga le mana o le Atua i o tatou olaga, e ao ona faia i le pule mai le Alo o le Atua. …

Lona lua, e lē na ona tatou faia o ni folafolaga o feagaiga—e ao ona tatou tausia. …

A o aoaoina le Perofeta o Iosefa i ki, tofi, sauniga, ma le ala e fesoasoani ai i le galuega o le perisitua, sa tuuina atu e le Alii lava Ia, e ala atu i Lana perofeta, se faaaliga ia Ema. …

Afai tatou te faitau ma le toto’a i le vaega 25, tatou te maua ai se faasologa taua o loo tupu ai. O le a agai atu Ema mai le avea o se afafine i le malo e avea ma “tamaitai filifilia” i le avea ma masiofo. O sauniga o le Perisitua Arona ma le Mekisateko, faatasi ai ma le tausiga o ana folafolaga o feagaiga, o le a faateleina ai lana mafutaga ma le Agaga ma agelu, e faamalosia ai o ia e faatautaia lona olaga faatasi ma le taitaiga faalelagi. …

… O se mea lenei ou te manao ia malamalama i ai teineiti taitoatasi i le mālō.

“Ola e tusa ai ma ou avanoa”

Aoao auala o le a faataga ai e sauniga o le perisitua ma folafolaga o feagaiga le mana o le Atua ia tafe atu i lou olaga ma le aogā sili atu, e galue ai i totonu ma e ala atu ia te oe, e faamalosia ai ma faaauupegaina ai oe ia ausia lou faamoemoega ma le gafatia atoa. …

Tatou te tofu maua uma lava ma le meaalofa o le mana o le Atua.

I taimi uma tatou te aai ma feinu ai i le faamanatuga.

I taimi uma tatou te sopoia ai faitotoa o se malumalu.

O le faatumutumuga lenei o la’u Sapati. O le mafuaaga lea ou te faapelepele ai i lo’u pepa faataga o le malumalu.

“O lea, o ona sauniga, ua faaalia ai le mana o le faale-atua” [Mataupu Faavae ma Feagaiga 84:20].