Sauniga o le Afiafi o le Aso Toonai
E Paia i le Alii i le Olaga i Aso Faisoo
O Nai Vaega
O loo siomia atoa i tatou i avanoa e taliē ai, fiafia ai, ma vaai atu ma mata faafetai. O la tatou talalelei o se talalelei o le olioli ma le pa’ia i le olaga i aso faisoo. O le pa’ia e vaetofia ai mea mo faamoemoega paia. Ae o le pa’ia foi e valaaulia ai i tatou e faatumulia le olaga i aso taitasi i le pa’ia—e fiafia ai i meaai i aso taitasi, i le lotolotoi o vaotuitui ma vaotalatala o lenei lalolagi. Ina ia savavali ma le Alii, e tatau ona tatou paia, aua e paia o Ia, ma ina ia fesoasoani ia tatou paia, ua valaaulia i tatou e le Alii ia savavali faatasi ma Ia.
O le aiga o le faatuatua ma le nuu o le Au Paia o loo tauivi pea ma le motu o tagata ua faaesea ma tuulafoa’ia. Fai mai le Paia i le Alii leai i le faatausuai, leai i le faafiapoto faitio po o le tuumaualaloina o isi, leai i faiga e maua ai tupe i le ita, ma va ai le fogavaa. Fai mai le Paia i le Alii ioe i le paia ma le migao, ioe i lo tatou avea ma tagata silisili aupito saoloto, sili ona fiafia, sili ona faamaoni, a o tatou mulimuli ia te Ia i le faatuatua.
O le paia i le Alii e faapaia ai le ola i aso taitasi. Tatou te latalata atu ai ma fiafia atili i le Alii ma i le tasi ma le isi, ma saunia ai i tatou e mafuta ma le Atua lo tatou Tama, Iesu Keriso, ma e pele ia i tatou.
I le paia i le Alii, e mafai ai ona tatou lagona Lona alofa a o tatou faia mo i tatou le faapaia i le Alii i aso taitasi, fiafia ma faavavau.