Sauniga o le Taeao o le Aso Sa
E Faigofie le Aoaoga Faavae a Iesu Keriso
O Nai Vaega
O le afioga a le Atua o le aoaoga faavae lea na aoao mai e Iesu Keriso ma Ana perofeta. …
… O lenei aoaoga faavae o le, faatuatua i le Alii o Iesu Keriso, salamo, papatisoga, mauaina o le meaalofa o le Agaga Paia, ma le tumau e oo i le iuga e faamanuiaina ai fanau uma a le Atua.
A o tatou aoao atu nei mataupu faavae ia i latou tatou te alolofa i ai, o le a fesoasoani le Agaga Paia ia i tatou e iloa le mea moni. Talu ai ona tatou te manaomia uunaiga a le Agaga Paia, e tatau ona tatou taumamao mai le matematega po o faaliliuga a le tagata lava ia, e sopo i tua atu o le aoao atu o le aoaoga faavae moni.
O le tasi o auala aupito mautinoa e aloese ai mai le latalata atu i aoaoga faavae sese, o le filifili lea ia faafaigofie a tatou aoaoga. …
O le faafaigofie ona aoao atu e mafai ai ona tatou vave faasoa atu le aoaoga faavae laveai, a o tumau pea le lē tagofia o tamaiti e faaosoosoga a le tiapolo lea o le a faafetaia’ia i latou mulimuli ane, a o le’i taitai ona galoma atu upumoni e moomia ona latou aoaoina, i faasalavei a faasalalauga faaagafesootai, tā’āga, ma a latou lava tauiviga patino. …
A o tatou faia le mea sili tatou te mafaia e aoao atu ai i latou tatou te alolofa i ai, e uiga i le aoaoga faavae a Iesu Keriso, atonu e le tali mai lava nisi. E ono fetolofi ane masalosaloga i lou mafaufau. … Aua e te fiu i na masalosaloga. Liliu atu i le Atua mo se fesoasoani. …
…O le a oo ina e filiga ma tali-tiga. Ona mafai lea ona e iloa ua e faia mea uma e te mafaia e fesoasoani ai ia i latou e te alofa i ai, ma i latou o loo e tatalo ia latou taulimaina taumafaiga a Satani ina ia faaumatia.