“O A’u Lenei”

I le talafaasolopito atoa e toatele ua faafaigofieina, e oo lava ina manatu faatauvaa i lo tatou faatusa o [Iesu Keriso] ma Lana molimau pe o ai o Ia. Ua latou faaitiitia Lana amiotonu i le na o le le faautauta, o Lana faamasinoga tonu i le na o le ita, Lona alofa mutimutivale i le na o le tuufau. E tatau ona tatou faaeteete i soo se ituaiga faauigaga faigofie o Ia, ia e faigofie ai ona le amanaiaina aoaoga ia tatou te le fiafia ai. O lenei “faauigaina” e moni lava e tusa ai ma Lona uiga mama silisili, Lona alofa.

I le taimi o Lana misiona i le olaga nei, sa aoao mai ai e Iesu e faapea, e lua lava poloaiga sili. … “Alofa atu i le Alii lou Atua, [ma] alofa atu i le lua te tuaoi ia pei o oe lava ia te oe.” Afai e ao ona tatou mulimuli faamaoni i le Faaola i nei tulafono taua ma le le matuueseeseina, e ao la ona tatou taofimau i le mea sa Ia fetalai moni ai. Ma o le mea moni na Ia fetalai ai o le, “Afai tou te alolofa mai ia te a’u, tausi a’u poloaiga.” I lena lava tauafiafi e tasi, sa Ia fetalai ai e tatau ona tatou “fealofani, e pei ona Ou alofa atu ia te outou.” …

… Na faapefea ona alofa Iesu?

Muamua, sa Ia alofa ma “[Lona] loto atoa, manatu atoa, mafaufau atoa ma le malosi atoa,” ma maua ai e Ia le gafatia e faamalolo ai tiga matuitui ma folafola atu mea moni sili ona faigata. …

O le uiga lona lua o le alofa mama paia o Iesu o Lona usiusitai lea i afioga uma na tulei mai i le fofoga o le Atua, ma faaogatusa i taimi uma Lona finagalo ma le amio a Lona Tama Faalelagi. …

… Pe a tatou tutu atu i Ona luma ma vaai atu i ma’ila i Ona lima ma vae ma itu, o le a amata ona tatou malamalama i le uiga ia te Ia ia tauave a tatou agasala ma ia masani i le faanoanoa, ia usiusitai atoatoa i le finagalo o Lona Tama—o nei mea uma e mai le alofa mama a’ia’i mo i tatou.