Autalavou e o le Tofi Ulumatua Tautupu

Tofi Ulumatua! … O se upu malosi. Ae o le a lona uiga? …

… O loo tatou talanoa e uiga i le tofi ua e mauaina o se suli faatasi ma Keriso ona o le sootaga faalefeagaiga ua e filifili e ulu atu i ai faatasi ma Ia ma lou Tama o i le Lagi. …

Mafaufau i ai! Ua faatuatuaina oe e le Atua—mai tagata uma i luga o le fogaeleele, o fanau o le feagaiga, o Lana auvaa—e fesoasoani i Lana galuega o le aumaia o Ana fanau uma i le saogalemu i le aiga ia te Ia. …

… O outou o se autalavou o le tofi tamalii. O lou faiā faalefeagaiga ma le Atua ma Iesu Keriso o se faiā o le faatuatuaina lea e te maua ai le avanoa i se fuataga tele atu o lo Laua alofatunoa—le Laua fesoasoaniga faalelagi, faaeega mai o le malosi, ma le mana gafatia. O lena mana e le na o se mea e moomoo i ai, se laki, po o se valoaga e faataunuu e le tagata lava ia. E moni lava.

A o e faataunuuina ou tiutetauave o le tofi ulumatua, e le tuua lava na o oe. … O loo lua galulue limalima faatasi ma Iesu Keriso. I feagaiga fou taitasi—ma a o faalolotoina lou sootaga ma Ia—e te lua uumau atili le tasi ma le isi seia oo ina mausali faatasi le uu. I lena faatusa paia o Lona alofa tunoa, o le a e maua ai uma le manao ma le malosi e ola tonu ai i le auala na soifua ai le Faaola—na ese mai le lalolagi. Ua e mafaia lenei mea ona ua maua oe e Iesu Keriso! …

… Aua ne’i suia oe e le lalolagi aua na e fanau mai e sui le lalolagi.