Koroboki aika Tabu—Aan te Onimaki

Kainnabau ae Mary ao Ngai, ti nora te karenano ae mena i moana tamnein te boki ma taekana ae kangai: “Booki: Te Bwai ni Mwakuri ae te Oi ae Tauaki n te Bai.” …

Ae ti kona n taua i baira ke n ara tareboon, te Baibara ae Tabu ao Ana Boki Moomon: Manga Kakoauan Taekan Iesu Kristo boni ngaai ake a anga te kairiri ae tabu ao te reirei mairoun Iesu Kristo, te Tia Kamaiu n te aonaba aio. …

N aron are I taekinna, e bwaka nanou n te iango are te moani bwai ae tauaki n te bai—te boki. Ma, I kakoauaa kakaawakin te intanete n te aonaba ni boong aikai. … Te intanete bon te bwai ni mwakuri ae mwakaraoiroi ibukin kamatebwaian te euangkerio. Ni bong aikai, e bati aomata ake a kamatebwaia koroboki aika tabu rinanon te tareboon. …

Ti reireinaki ni koroboki aika tabu bwa ti na kabonganaa te iango ao te wanawana ni bwaai nako. E kona n riki te intanete n arona ae tamaroa ao ae e urubwai naba. …

… Tai reiti baika a buakaka, akea koauaia, ao baika a aki raoiroi. … Kaonrakea maium ni baika a raoiroi, iango aika tamaroa, kimwareirei, ao kukurei ma totokoa te nanobaba. Bon iai te okoro. … Te bwai ae kakaawaki, kabanea am tai n Ana Boki Moomon, are e karuoa te Tamnei nakon maium ao ni buokiko ni kinaa te koaua ao te kairua.

Au reirei nakoia naake a tia ni kitana kawain te berita n anga aika bati bwa a na okira koroboki aika tabu, kairiri mairouia burabeti, te tataro n utu, ao anenen te aro. A kakaawaki aomata nako i matan te Uea. Ti kainnanoingkami! E kainnanoingkami te Uea, ao kam kainnanoia! Kam butimwaeaki n taainako.