Te Tetere n Tairikin te Kaonobong
E Tabu bwa Ana Bwai Iehova inanon Nako Maiura
Te Rongorongo ae Kaeweaki
Ti katobibiaki ma taai ni ngarengare, kukurei, n taratara ma te mata ni kakaitau. Kimwareirein te euangkerio ao te tabu ni maiura ni katoabong bon ara bwai. Te anua ae tabu e kaokoroi bwaai ibukin te kantaninga ae tabu. Ma te tabu e kaoira naba bwa ti na kaititeuanaaki ni maiura n te tabu—ni kimwareirei ni kanara ni katoabong ribuakon kangaanga ao kakaewenako n te maiu aei. Te nakonano ma te Uea, ti riai n riki n tabu, bwa E tabu, ao ni buokiira bwa ti na riki n tabu, e kaoira te Uea bwa ti na nakonako ma Ngaia.
Te utu n onimaki ao aia kaawa Aika Itiaki a buakana katinanikuaia aomata aika mwaiti. E tabu bwa Ana bwai Iehova e kangai, tiaki nakon taeka aika bubuaka, tiaki nakon te kan wanawana ni kamamaara’ aron temanna, tiaki nakon bwaai n reitaki aika a karika te unraa ao ni kairoro ibukin karekean te mwane. E tabu bwa Ana bwai Iehova e kangai, eng nakon te bwai ae tabu ao ni karinerine, eng nakon rikira ni inaomata, n rangi ni kukurei, ae bon ngaira raoi ngkai ti Iriiria inanon te onimaki.
E Tabu bwa Ana Bwai Iehova e karika te maiu ni katoabong bwa e na tabu. E kaanira ao ni kakukureira riki nakon te Uea ao iroura ao e katauraoira ni maiu ma te Atua ae Tamara, Iesu Kristo, ao ake ti tangiriia.
Ti konaa n namakina Ana tangira ni karaoan ae tabu nakon te Uea nakoira ni katoabong, ti kukurei ao n akea tokina.