E Bebete ana Reirei Iesu Kristo

Ana taeka te Atua bon te reirei ae reiakinaki iroun Iesu Kristo ao Ana burabeti. …

… Te reirei aei bon te onimaki iroun te Uea Iesu Kristo, rairannano, bwabetitoaki, karekean ana bwaintituaraoi te Tamnei ae Raoiroi, ao n teimatoa n ua te toki e na kakabwaiaia natin te Atua ni kabane.

Ngkai ti reirei tua aikai nakoia naake ti tangiriia, e na buokiira te Tamnei ae Raoiroi n ataa te koaua. Ibukina bwa ti kainnanoa ana wirikiriki te Tamnei ae Raoiroi, ti riai n totokoira man ukeran bwaai bwa tera ae riki ke bon oin ara rairairi are e riaon reiakinan te reirei ae koaua.

… Teuana te kawai ibukin kararoaan reiakinakin te reirei ae kewe bon te anga reirei n te aro ae bebete man kai matata. …

Te angareirei e anganiira te moantaai n tibwauai reirei ibukin te kamaiuaki, n te tai are a tuai kona iai n rootaki ara ataei n ana kariiri te tia kamwamwane are a na kaitara mangaia imwiina, imwaain ae a na bua koaua ake a riai n reiakin man bwaai ake anainano man bwaai ni kaongora, aia karinan n roro, ao bon oin korakaia. …

Ngkai ti karaoa ara kabanea ni kona n reireiniia naake ti tangiriia taekan ana reirei Kristo, tabeman a na teimatoa n aki kaeka. A na roko iango n nanououa iroum. … Tai bwarannano n nanououa akanne. Bubutiia te Atua ibukin ana ibuobuoki. …

… Ko na rikirake n nanomatoa ao n taotaona nanom n te tai ae maan. Ao ngkanne ko na ataia bwa ko a tia ni karaoa am kabanea ni kona ni buokiia naake ko tangiriia ao naake ko tataro ibukiia ni kona ni kaitarai ana kakatai Tatan n kataia n tokanikai i aoia.