Te Tetere ni Bwakantain te Kaonobong
Kaaraki nakon te Ekaretia ae Kakimwareirei
Te Rongorongo are e Kaeweaki
Ibukin ana babaire n tangira Tamara are i Karawa ibukiia natina n tatabemaniia, ao ibukin maiuna n kamaiu ao ana mition ara Tia Kamaiu, Iesu Kristo, ti konaa—ao n riai—n riki bwa aomata aika rang kimwareirei i aon te aba! …
… Ao e aki reke kimwareireira n taabo riki tabeua n ae rangi n teretere nakon ae ti uaia ni bootaki ni katoa Tabati n ara bootaki n toa n taromauriia are bon boton te kukurei ni kabane! …
Kimwareirei ni karinerine? Ko na bae n titiraki “E bon riiriki naba anne?. Eng, ngaia anne! Ti rangi n tangiria, kaota kakannatona , ao n karinea Atuara, ao a kaoti ara karinerine man te nano ae kukurei n ana tangira, nanoanga, ao ana kamaiu Kristo! …
Ngkana ti bootaki ni kauringa te Tia Kamaiu ao te mwakuri ni kamaiu are E a tia ni karaoia, a riai moara ni kaota kimwareireira ao ara kakaaitau! …
… A koreaki n koroboki aika tabu bwa “aia anene naaka a raoiroi bon te tataro nakon te [Atua]” [Reirei ao Berita aika Tabu 25:12] are e kakimwareireia Tamneina. Ngaia are ti na anene! Ao n neboia!
Ti kabotoa ara marooro ao kakoaua i aon Tamara are i Karawa ao Iesu Kristo ao uaan te nanorinano ni maiuakinan Aia euangkerio, uaana aika a “karewerewe riki nakon bwaai aika a karewerewe.” [Aramwa 32:42]. …
Tao ti tang n nanokawaki ke rannimatara ni kakaaitau n tain te toa, ke e riki n te kamiimi ae tamaroa n te rongorongo ae raoiroi n ana bwaintituaraoi te Tama ae Natina! …
… Aio bon te kakao ni karekean ana bwaintituaraoi te Tia Kamaiu ae te rau, oota, ao te kimwareirei—n kaotia iai, ni miimi iai, ao ni kukurei iai, ni katoa Tabati. …
Kaaraki nakon te Ekaretia ae kakimwareirei!