Te Tetere ni Bwakantain te Kaonobong
Tauni Ara Bwai ni Buaka ni Kakaitara
Te Rongorongo ae Kaeweaki
E kona ni kammwakuraki te kakaitara ke ni baka n aki ataaki. …
Tao te waaki ae tabe n rikirake ni kaitaraa te Atua, bon teira n aki kan kuba—rawara ni kan karaoa Ana kaantaninga inanon maiura. A mwaiti aika tao akea iangoan te kakaitara irouiia ma a bon kona n teimatoa n rawa nakon ana kaantaninga te Atua ni karaoi oin kawaia n aki tabe ma kairiiri ake a roko mai iroun te Atua. …
Kabaang ao bwaai ni buaka riki tabeua ake a taunaki irouia Reimwanaite ake a tia n rairaki bon bwaai ni buaka ake a tia ni kabonganai bwa bwaai ni kakaitara. Bwaai ni buaka akanne titebo ma ake inanon baiia natiia mwaane, ake a tia ni kabonganai ni kamanoaia ao ni kainaomataia utu, tiaki bwaai ni buaka ibukin kaaitaraan te Atua. …
N te aro naba aei, iai bwaai ni maiura aika ti kona ni maiuakin ke bwaai aika aki tabe itera ma ngkana e kabonganaaki ni kawaina ae bure ao a na riki bwa “bwaai ni buaka ni kakaitara.” …
… Ngkana ara tangira ibukin te Atua ao nanora ni kan beku Ibukina ma korakorara ni kabane, ara iango, ma marurungira a riki bwa bwaai aika ti na bairei iai taekan bwaai ni kabane ao ni karaoi ara babaire ni kabane, ti na riai ni kaman tauni ara bwai ni buaka ni kakaitara. Man ana akoi Kristo, e na kabwarai ara bure te Atua n ara kakaitara n taai ake rimoa ao ni kanakoa memean bure ao kakaitara akanne mai inanora. …
Taunakin ara bwai ni buaka ni kakaitara e kairiira nakon te kimwareirei ae onoti. … Ti a tauni—n rangi ni kanakoi—waaki nako ni kakaitaraa te Atua inanon maiura ao n onei mwiina ma te nano ao te iango ae tatauraoi.