“Boni Ngaia Ngai”

N rinanon rongorongo ngkoa a mwaiti aika a kabebeteaki, n kakeea taraan [Iesu Kristo] iroura ao Ana kakoaua bwa antai Ngaia. A kakerikaaka Raoiroina ni karaoan mwakuri aika bubuaka, Ana motiraoi ni kauarerekea unra, ke Ana nanoanga ni kauarerekea te ioawawa. Ti riai n aki bukintaeka n aron noorana iroura ae na kona n katinanikui reirei ake ti mwengaraoi iai. Te “kaotioti ni koauan arona” aio e bon koaua ai moarara riki ngkana ti tataekina raoiroina, Ana tangira.

N ana tai n mwakuri i aon te aba, e reirei Iesu taekan uoua tua aika moan te korakora. … “Ko na tangira te Uea ae te Atuami [ao] tangiriia raom n ai aron tangiram i bon iroum.” Ngkana ti iriira ara Tia Kamaiu ma te kakaonimaki inanon tua aika kakawaki aikai, ao ti na bon matoatoa nakon baike E bon taekini. Ao are e bon tia n taekinna, “Ngkana ko tangirai, ao kam na tou mwiin au tua.” N te tairiki naba anne, E tua nakoia ni kangai kam na Itangitangiri, n ai arou ngkai I tangirii ngkami.” …

… Aekakira ana tangira Iesu?

Te moan, E tangirira “ma nanona [ni kabane], marurungina, ao korakorana ni kabane,” bwa e anganna te konaa ni kamaoi ikoaki aika kakaiaki ao n kona n taekin koaua aika matoatoa iangoaia. …

Te kauoua n taratara i aon ana tangira Iesu bon Ana ongeaba nakon taeka ni kabane are a otinako mai wiin te Atua, kaboraoi ana baire ma nanon ma ana baire te Tama are i Karawa. …

Ngkana ti tei i matana ao n noori ikoakin baina ao waena, ti na ataia bwa tera ae nanonaki ibukina ni katoka i aona ara bure ao e ata naba te rawawata, n ongeaba nakon nanon Tamana—ni kabane ae nako man ana tangira ae kororaoi ibukira.