O Ngkami Kairake Aika Kam Karineaki

Karineam ni Karimoa! … Bon te taeka ae kakaongora. Ma tera ae nanonaki iai? …

… Ti taekina taekan te bwaibwai ae ko karekea ngke kam uaia n abaaba ma Kristo ibukin te reitaki n te berita ae tabu are ko a tia n rineia bwa ko na rin ma Ngaia ao Tamam are i Karawa. …

Iangoa anne! E onimakiniko te Atua—aomata ni kabane n te aonaaba, ataein te berita ae tabu, Kaain ana tiim—n ibuobuoki n Ana mwakuri ni uotiia Natina ni kabane rikaaki Nakoina. …

… Ngkami kairake aika kam karineaki n rikimii. Ami reitaki n te berita ae tabu ma te Atua ao Iesu Kristo bon te reitaki iaon te onimaki are kam kona iai ni karekea Aia nanoanga ae moan te korakora—Aia ibuobuoki mai karawa, te entaunmente n te korakora, ao te mwaaka ae korakora. Te mwaaka anne tiaki ti te iango ae karioaki, iango aika nakoraoi, ke taeka ni burabeti aika a na koro bukiia. E bon koaua.

Ngkana ko kakoroi nanon tabem ni karimoa, ko aki kona n tiku n ti ngkoe. … Ko ibuobuoki ni mwakuri ma Iesu Kristo. Ma berita aika tabu n tatabeua nako aika boou—ao ngkana e a rikirake am reitaki ma Ngaia—kam uaia n irabwati ni karokoa ae kama matoa ni konii ngkami. N te kanikina ae tabu n Ana nanoanga anne, ko na kunea te nano ao te korakora ni maiu n aron raoi maiun te Uea—ae kaokoro man te aonaaba. Ko karekea aei bukina bwa e kairiko Iesu Kristo! …

… Tai kariaia te aonaaba bwa e na bitiko ngkai ko bungiaki bwa ko na bita te aonaaba.