I nanon te Maan Ae E Aki Bati te Ririki

Ana Boki Moomon bon tiaki te rekooti ae ti taraa iai te tai are ngkoa. Ma, e tarai naba taai aika a na roko te koroboki ae tabu aei ao kanoana bon koaua aika kakaawaki, kauring, ao reirei ake a katauraoaki ibukin aroaro ao kakaewenako ni boong aikai. Ngaia are, Ana Boki Moomon bon te boki ibukin taai aika a na roko ao taai aika ti maiu inanona ngkai ao aika a na roko. …

Ti kaumakaki man bwanaa aika a tia ni mate bwa ti na karekea te reirei aio: te kakabwaia, te kaubwai, ao te aoriori bon te rengarenga ae kamamate are e na kona ni kaira ae raoiroi n nima te boitin are te kainikatonga. …

… Ti riai n tarataraira man te anua ni kan kakannato are e reke man te kainikatonga, buren katinean ara konabwai, ao ukoukoran oin nanora ao katinanikuan te ibuobuoki nakoia aomata. …

N na katerea bwa ngkana ngkami ke ngai ti korakora man kakaonimaki n totokoa te kainikatonga, tao ti a tia n ewekaki n aorakin te tamnei ae kamamate aio. …

Ma, ngkana, ngkami ke ngai ti kakoauaa bwa e kona n reke iroura te kainikatonga, ti na botumwaaka ni karaoi bwaai aika a uarereke man aki kaangaanga are e na kamanoira man buokiira bwa ti na riki “n aiaron te ataei, n ongeaba, n nimamannei, n nanorinano, n taotaonakinnano, n onrake n te tangira, ao n tauraoi ni butimwaei bwaai ni kabane ake e tangiria te Uea bwa e na karaoi [nakoira].” [Motiaea 3:19].

… Ngkai ti kamatebwai ao n iangoa [Ana Boki Moomon], ti kakabwaiaki n te mata n noraaba, taningami bwa kam aonga n ongo, iango ao kam na oota, nanomi bwa kam aonga n atai reirei aika ti riai n atai n “tarataraira man te kainikatonga, bwa mwiina [ti na] rin n te kaririaki.” [Reirei ao Berita aika Tabu 23:1].