Te Tetere ni Bwakantaain te Tabati
E Na Manga Oki Kaua ara Uea Iesu Kristo
Te Rongorongo ae Kaeweaki
E na kawaekoa ana mwakuri te Uea.
Bukin tera ngkai ti katei tembora ni kawaekoai nakon are mai imwaina? Bukin tera? Ibukina bwa ti tuangaki iroun te Uea bwa ti na karaoia. Te kakabwaia n te tembora e buoka ikoikotakin Iteraera n iteran te rabuna aika uoua. Kakabwaia aikai a buokiia naba aomata ake a na buoka katauraoan te aonaaba ibukin Kauaokin te Tia Kamaiu! …
Aio au berita nakoimi: Taan ukokoura ni koaua Iesu Kristo a na bon Kunea inanon te tembora.…
I kunea bwa te kabanea ni kakawaki n titiraki ae ti riai ni kaeka bon aei: Antai ke tera ae n anga maiu nakoina?
Au babaire bwa Nna iriira Iesu Kristo bon te kabanea ni kakawaki ni babaire are I a tia ni karaoaia. … E a tia ni buokai n tokanikai i aon angibuka n te maiu. …
I kaumakiko bwa ko na anga am tai ni katoa wiki, ni karokoa tokin maium—bwa ko na karikirakea am atatai i aon ana Mwakuri ni Kamaiu Iesu kristo. …
E katokaa Iesu Kristo i aona ami bure, ma marakimi, ma rawawatami, ao ai mamaramii. Ko na aki uota te rawawata n ti ngkoe! …
Tao e na moantaai ke n oimwi iroum bwa ko na riki bwa ana reirei Iesu Kristo. …
Tariu ao mwaneu aika kam tangiraki, a na bati baika a raraoi ni kaoti, ibukina bwa e na manga oki kaua ara Tia Kamaiu! A na bati baika a raraoi ni kaoti ibukina bwa e kawaekoa Ana mwakuri te Uea. A na bati baika a raraoi ni kaoti ngkana ti anga ngaira ma nanora nakon Iesu Kristo.