Iriiran Kristo

Iriiran Kristo bon tiaki te kabwarabae ke te taina n tai. Bon te motinnano ae reitinako ao te katei ae na kairiira n taainako ao n taabo nako. Ana reirei ao Ana katooto bon ngaia are e kaota te kawai ibukiia taan iriira Iesu Kristo. …

Ana tua te Atua boni ngaia are bweena ao ni kabaeranta aron maiura. …

Teuana naba ana reirei te Tia Kamaiu ae taraa n kainnanoa manga katuruturuana ni kanoan te tai ni boong aikai.

Aio te tai are e bati iai taeka aika a kakang ao a kammaraki n te reitaki ma aomata ao n tabetai inanon ara utu. …

Tera ae a riai ni karaoia taan iriira Kristo n te tai aio ike e bati iai te reitaki aika a aki raraoi? Tera Ana reirei ao Ana katooto? …

… Ti riai n tangiriia ao ni karaoa ae raoiroi nakoia aomata ni kabane. Ti riai n totokoa te kakauntaeka ao n riki bwa taan raoi n ara reitaki. Tiaki nanona bwa ti nang kaaki kateira ao baika a moanibwai iroura ma ti na katoka te anua ae buakaka n buakaniia aomata ibukin aroia. Anne ae karaoia Ara Banna ni Katoto ae Kororaoi n Ana mwakuri iaon te aba. Anne te banna ae E kateia ibukira ao E kaoira bwa ti na Iriiria. …

Ngkai ngaira taaan iriira Kristo, ti reirei man kakoaua iroun Iesu Kristo, ara Banna ni Katoto ae Kororaoi. Ngaia are ti riai n iriiria man katinanikuan te kakauntaeka. Ngkai ti waaki n boutokai kainibaire ibukin te botanaomata, ke ti karekei Ana kakabwaia man kabonganaan ana taetae ao ana kawai te tia raoi. N ara utu ao reitakira ma aomata ti riai n totokoi baika a buakaka man riribai.