Te Tetere ni Moaningabongin te Kaonobong
Kakoroa Nanon Tibwangam ae Onoti
Te Rongorongo ae Kaeweaki
Otenanti n te nakoanibonga ao kakabwaia n te berita e angan te Atua bwa e na katabuira ao imwina ni karaoi bwaai aika a kamiimi inanon maiura. Ma e na kanga n riki aei?
Te moan, n te aro bwa e aonga ni kaotaki mwaakan te Atua inanon maiura, e riai ni karaoaki man ana kariaia Natin te Atua. …
Te kauoua, tiaki tii karaoi berita aika tabu—ti riai ni kawakin. …
Inanon reiakinan te Burabeti ae Iotebwa ibukin kiing, nakoa, otenanti, ao aron buokan te mwakuri ni ibuobuoki n te nakoanibonga, bon te Uea, rinanon Ana burabeti, ae e anga te kaotioti nakon Emma. …
Ngkana ti karaua ni wareka raoi mwakoro 25, ti na kunea te rikirake ae kakawaki ae na riki. E na waaki Emma n riki bwa te nati te aine n abanueana nakon “te aine ae rineaki” nakon te ueanaine. Otenanti n te Nakoanibonga ae te Aaron ao te Merekitereka, n raonaki ma kawakinan ana kakabwaia n te berita, are e na karikirakea ana reitaki ma te Tamnei ae Raoiroi ao ma anera, e anganna te korakora ni kaira maiuna ma te kairiiri mai karawa. …
… Aei te bwai ae I tangiriia ataeinnaine ni kabane n te abanuea bwa a na ataia.
“Kakoroa nanon tibwangam ae onoti.”
Reiakinna bwa a kanga otenanti n te nakoanibonga ni kariaia mwaakan te Atua ni bwaro nako nanon maium n te aro ae korakora, ni mwakuri inanom ao mai iroum, ni kakorakora ma ni katauraoiko ni kakoroa nanon oin bukin maium ma am konabwai ae bwanin. …
Ti bane n kona ni karekea ana bwaintangira te Atua ibukin mwaakana.
Ti butimwaea te toa ni katoa tai.
Ni katoa tai n rokora n te tembora iai bitakin maiun tamneira.
Aio bon te tai ae tamaroa n au Tabati. Aio bukina ngkai I matenanoa au rekomente nakon te tembora.
“Inanon otenanti e kaotaki mwaakan te aro n Atua n taian otenanti mai iai” [Reirei ao Berita aika Tabu 84:20].