Te Tetere n Ingabongin te Tabati
Boong Aika Aki Kona ni Mwanuokinaki
Te Rongorongo ae Kaeweaki
I marenan te ririki aei 2024, ao 2034, ti na kona n noori bwaai aika kakawaki ake a na riki man tamaroan te beku, ni katiteuanaki ma membwa ao raoraora nako, ao n tibwauaa Ana Ekaretia Iesu Kristo ibukiia Aika Itiaki ni Boong aika Kaitira nakoia aomata aika mwaiti ni kabotauaki ma ake mai i mwaina. …
N tokin anne, ao I tangiria n taetae nakoimi kaain te roro ae rikirake, ni kaoi ngkami ni iangoa aron kakukurein bwi n ririki are imwiina, ae aki kona ni mwanuokinaki, e kona n riki bon ibukimi. …
… E na riki aio ibukim, bwa te tai anne ae na aki kona ni mwanuokinaki. Ma e na raka riki ngkana ko keiaki mwaaka n riki bwa te ota nakon te aonaaba bwa a na kanga rongorongon ana euangkerio Iesu Kristo aika raraoi ni kanakoraoa tiaki ti maium ma maiuiia naba kaain am utu, raoraom, ao taan iririiko iaon bwaai n reitaki n te intanete.
Ko na bae ni kakaea aron karaon te bwai aei. …
Te moan, maiuakina ana euangkerio Iesu Kristo. …
Te kauoua, aanga baim n nanoanga nakoia ake a kainano. …
Te kateniua, kaoia ni kabane bwa a na karekea te euangkerio. …
Te Kaua, katiteuanaia utu ibukin te tai ae akea tokina. …
Tariu ao mwaneu aika kam tangiraki, kairake aika kam tangiraki, e na bae n iai kangaanga ibukira n tatabemaniira nako ni boong aika imwaira. E ngae n anne, ngkai ti tabe n rinnako inanon ririki aika aki ataaki kanoaia, ao tera ngke ti kona ni kateimatoa arora n reitaki rinanon waaki ni kakukurei inanon maiura, arora n tabeaianga ibukiia raora, te bubutimwaai, ao te katiteuanaaki. Ngkana ti karaoa aei, e na kakabwaiaira te Uea rinanon taneiai aika a na aki kona ni mwanuokinaki.