Te Tetere n Ingabongin te Kaonobong
Te Kaantaninga n Tokanikai
Te Rongorongo ae Kaeweaki
Te bwaintangira n te kaantaninga akea boona ao e bwaintangiraaki mairoun te Atua. …
Ngkai ti kakorakorai ara onimaki iroun Iesu Kristo, ti noora are iaon korakaira nakon kakabwaia ao berita aika akea tokiia. N ai aron te taura are e otanako otana, te kaantaninga e kaotaa te aonaaba ae rotongitong, ao ti noori arora n taai aika a na roko aika mimitong. …
Tariu ao mwaneu, te kaantaninga bon te bwaintangira n te maiu, te bwaintangira ae rikirake ngkai ti karikirakea ara onimaki iroun Iesu Kristo. … Ti katei bwaai aikai—buraoki ni kakoaua n ara onimaki—rinanon te tataro, berita aika tabu n te tembora, kawakinan tuua, reitinako ni kamwarakeaki man koroboki aika a tabu ao n aia taeka burabeti n taai aikai, anaakin te toa, buokiia tabeman, ao n nebonebo ni katoa wiiki ma raora aika Itiaki.
Ni kamanoa ara onimaki n tain rikiraken te buakaka, e kaira Ana burabeti te Uea bwa e na kaona aonaaba n Ana tembora. …
Bon akea te maraki, aoraki, motibuaka, korakai, akea ae kona ni karooa ara kaantaninga ngkai ti kakoua ao n taua ni kamatoa ara berita aika tabu ma te Atua inanon ana auti te Uea. Bon autin te ota, autin te kaantaninga. …
Tariu ao mwaneu, te rau are ko ukoukoria e kona n aki roko n te tai ae waekoa n aron are ko tangiria, ma I berita bwa ngkana ko onimakina te Uea, E na roko ana rau.
Tina ribanaa ara onimaki aika a kakaawaki, n waaki nako ma te kaantaninga ae tamaroa ma ni kororaoi. I kakoaua bwa ara kaantaning bon ara Tia Kamaiu Iesu Kristo. Rinanon onimakinana, ara kaantaninga aika tamaroa a na korobukiia. Bon Atuan te kaantaninga—tokanikai n te kaantaninga. E maiu ao E tangiriko.