Ang Araw na Nagpabago sa Lahat

1. Sanggol ay nasa sabsaban,

Habang tala’y maningning;

At sa krus S’ya ay nagdusa,

Namatay para sa ‘tin.

Hinimlay S’ya sa libingan

Nang ang araw magdilim;

Si Jesus na Manunubos,

Kamataya’y nagapi.

Koro: Nagbago sa araw na ito

Ang buhay ng mga tao.

Sapagkat S’ya ay mal’walhating

Nabuhay na muli.

Mas maningning araw na ito;

Na nagalak buong mundo.

Haring D’yos natin, ating purihin

Na ngayon lahat nagbago!

2. S’ya’y buhay at nalalaman

Lahat ng kailangan ko.

Kaibiga’t Manunubos

Ay minamahal ako.

Sa kamay N’ya na may sugat,

Akay N’ya ’ko pauwi.

Sa biyaya N’ya at awa,

Masaya akong muli.

Koro