Pagsunod kay Jesus sa Chile

Sinusunod ni Santiago si Jesucristo sa pamamagitan ng pagsama sa iba. Ang isa sa kanyang mga kaklase ay hindi mabilis tumakbo at madalas na hindi isinasama sa mga football team. Sinimulan siyang anyayahan ni Santiago na maglaro sa kanyang team! Sabi niya, “Maganda ang pakiramdam ko dahil tinularan ko ang halimbawa ni Jesus.”

Sinusunod din ni Santiago ang Tagapagligtas sa pamamagitan ng pagdarasal. Nang mabali ni Santiago ang kanyang braso, natakot siya. Sinabi sa kanya ng kanyang ina na manalangin sa Ama sa Langit para sa kapanatagan. “Nakatulong iyon para mapanatag ako,” sabi niya.

Edad: 7

Mula sa: Valparaíso Region, Chile

Wika: Spanish

Mithiin: 1) Maging football player. 2) Magmisyon.

Mga Libangan: Paglangoy, paglalaro ng football at basketball, at pag-aaral ng mga bagong isport

Pamilya: Santiago, Inay, Itay, at dalawang kapatid na babae

Kuwento tungkol kay Jesus: Lucas 2 dahil itinuturo nito kung paano isinilang si Jesus sa isang sabsaban at kung gaano Siya mapagpakumbaba

Holiday: Pasko, dahil kaarawan ito ni Jesucristo at ang buong pamilya ay karaniwang magkakasama

Pagkain: Humita (giniling na mais na nakabalot sa mga balat ng mais at pinasingawan) na may Chilean salad (kamatis na may sibuyas)