’Ua pāpetitohia ’o Iesu

Te pāpetitora’a ’o te ta’ahira’a mātāmua īa tā tātou e rave nō te riro ’ei mero nō te ’Ēkālesia a Ietu Metia ! ’A pāpa’i mai i te tahi hōho’a nō tō ’oe mahana pāpetitora’a, ’ua tupu a’ena ānei ’e ’aore rā tē tīa’i ra ’oe i te reira.

Nō te aha e mea faufa’a te pāpetitora’a nō ’oe ?

Nō te aha e mea faufa’a te reira nō Ietu ?

E nehenehe tātou e pe’e ia Ietu Metia ma te pāpetito ia tātou. ’Ia pāpetito ’e ’ia ha’amau-ana’e-hia tātou, e piti ’ohipa faufa’a rahi tei tupu : e rave tātou i te fafaura’a e te Metua i te ao ra, ’e e fa’ari’i tātou i te tahi hōro’a ta’a ’ē ! ’A rave i te ’ātivite i raro nei nō te ha’api’i atu ā. ’A ha’amata i raro i te ’āpo’o pape ’e ’a pāhono i te uira’a. I muri iho, ’a fa’a’ū i te pape nō taua fāito ra ’e ’a fa’anu’u i te fāito nō muri mai.

• E hia matahiti tō ’oe e ti’a ai ’ia pāpetitohia ? (Te Ha’api’ira’a Tumu ’e te mau Fafaura’a 68:27)

• E aha te tuha’a o tō ’outou tino e haere i raro i te pape ? (3 Nephi 11:26)

• E aha tā ’oe e fafau i te Metua i te ao ra ? (Mosia 18:10 ; Te Ha’api’ira’a Tumu ’e Te mau Fafaura’a 20:37)

• E aha te tao’a hōro’a tā ’oe e fa’ari’i i muri mai i tō ’oe pāpetitora’ahia ? (Te Ha’api’ira’a Tumu ’e te mau Fafaura’a 33:15)

• E aha tā ’oe e nehenehe e rave i te mau hepetoma ato’a nō te ha’amana’o i te fafaura’a tā ’oe i rave i tō ’oe pāpetitora’a ? (Te Ha’api’ira’a Tumu ’e te mau fafaura’a 27:2)