Adamu ’e ’o Eva

’O Adamu ’e ’o Eva nā tamari’i mātāmua a te Metua i te ao ra tei ’ora i te fenua nei. ’Ua ora rāua i roto i te ’ō i Edene.

’Ua vaiiho te Atua ia rāua ’ia ’amu i te hotu o te mau tumu rā’au ato’a, ’eiaha rā hō’ē. Mai te peu e ’amu rāua i te hotu o te tumu rā’au nō tē ’ite i te maita’i ’e te ’ino, e ti’a ia rāua e haere i rāpae’au i te ’ō ’e ’ia pohe atu ai. ’Ua ha’avare rā Sātane ia rāua. ’Ua parau Sātane mai te mea e ’amu rāua i te hotu, e ’ite rāua i te maita’i ’e te ’ino, ’e e’ita rā rāua e pohe.

Eva e pōfa’i ra i te hotu o te tumu rā’au nō te ’ite i te maita’i ’e te ’ino.

’Ua mā’iti Eva e ’amu i te hotu.

Te rima ’o Eva e tu’u ra i te hotu i roto i te rima o Adamu

I muri iho ’ua hōro’a Eva ia Adamu i te tahi mā’a hotu. ’Ua mā’iti ato’a ’oia e ’amu i te reira.

Adamu ’e ’o Eva e tāpuni ra i muri i te uru ’aihere, ’a fā mai ai te Metua i te ao ra ’e ’o Iesu Mesia

’Ua haere atu te Atua ’e ’o Iesu Mesia e fārerei ia rāua, ’ua mata’u rā Adamu ’e ’o Eva ’e ’ua tāpuni ihora. ’Ua ui atu te Atua, ’ua ’amu ānei rāua i te hotu nō te tumu rā’au.

Adamu ’e ’o Eva tei ’ahuhia i te pereue ’iri ’e tē fa’aru’e ra i te ’ō i Edene

’Ua parau atu Adamu ’e ’o Eva ē, ’ua ’amu rāua i te hotu. I teienei e ti’a ia rāua e haere i rāpae’au i te ’ō i Edene. Tera rā, e fa’anahora’a tā te Atua nō rāua. I teienei ’ua ’ite rāua i te maita’i ’e te ’ino ’e e nehenehe rāua e fānau i te tamari’i.

’Ua parau fafau Adamu ’e ’o Eva e ha’apa’o rāua i te mau fa’auera’a a te Atua. ’Ua ha’api’i rahi mai rāua nō te Tamaiti a te Atua, ’o Iesu Mesia. ’Ua ’oa’oa rāua nō te mea e tauturu Iesu i tō rāua ’utuāfare ’ia ho’i i te Atua ra.