Thomas tei ha’aputuputu

’O Thomas tō’u i’oa, ’e e tamaiti ha’aputuputu vau.

I teie matahiti i roto i te Paraimere tē ha’api’i nei tātou nāhea i te ha’aputuputu. ’Ua ani mai tō mātou feiā fa’atere ia mātou ’ia ha’aputuputu i tō mātou mau ’utuāfare nō te pure ’e te tuatāpapara’a i te pāpa’ira’a mo’a. Tē hina’aro nei rātou ’ia ha’api’ipi’i mātou i te ha’aputuputura’a ’ia ’ite mātou e nāhea ’ia ha’aputuputu i teienei ’e ’ia pa’ari ana’e mātou—i te misiōni, i te fare ha’api’ira’a, ’e ’aore rā noa atu e ’o tātou ana’e. Nā reira tātou e nehenehe ai e putuputu i te pae vārua i te mau taime ato’a i pīha’i iho i te Metua i te ao ra ’e ia Ietu Metia ’e ’ia noa’a te hau nā roto ia rāua.

Tā’u ’ohipa ’o te ha’aputuputura’a īa i tō’u ’utuāfare nō te pure i te po’ipo’i. E ani nei au, « E ’āmui ānei ’outou iā’u nō te pure ? » Tē ha’aputuputu nei tō’u taea’e ’o Henry ia mātou nō te pure i te pō ’e te tuatāpapara’a i te pāpa’ira’a mo’a.

I te tahi po’ipo’i mahana mā’a, ’ua fa’aru’e ’oi’oi māua nō te ha’uti pōpō i roto i te ’ete. I muri iho, ’ua horo māua i te fare ho’ora’a ma’a. ’Ua ha’amana’o ihora vau ma te parau ē, « Māmā, ’ua mo’ehia ia māua e ha’aputuputu nō te pure. » ’Ua parau mai ’oia iā’u ē e nehenehe māua e ha’aputuputu i te taime e ho’i ai māua i te fare. ’Ua parau rā vau, « tītauhia rā ia tātou ’ia ’āmui ’e ’ia pure i teienei ! » ’Ua ani mai ’oia e nā’u e rave i te pure, ’ua ’ara’ara noa rā tōna nā mata nō te mea tē fa’ahoro ra ’oia i te pere’o’o.

’Ua parau ’o māmā ’e ’o pāpā ia Henry ’e iā’u nei i tō rāua māuruuru rahi ē tē ha’aputuputu nei māua i tō mātou ’utuāfare nō te pure ’e nō te tuatāpapa i te pāpa’ira’a mo’a. Tē parau nei rāua ē e fa’atupu tō mātou mau reo na’ina’i i te hō’ē ta’a-’ē-ra’a rahi i roto i tō mātou ’utuāfare. ’Ua parau rāua ia mātou ē nō te mea tē ha’aputuputu nei mātou, ’ua ha’amaita’ihia tō mātou ’utuāfare.

Faʼahōho’araʼa nā Augusto Zambonato