E tao’a hōro’a ’oa’oa roa te pāpetitora’a

I te hō’ē taime ’ua paraparau atu vau i te tahi tamāroa tei taiā ’ia pāpetitohia ’oia. ’Ua pe’ape’a ’oia i te mea ē e hōpoi’a nōna te tā’āto’ara’a o tāna mau hara.

’Ua parau atu vau iāna ē e tao’a hōroa ’oa’oa roa te pāpetitora’a, ’e e’ita e ti’a iāna ’ia mata’u. ’Ia pāpetito-ana’e-hia ’oe, e nehenehe te Metua i te Ao ra e tauturu ia ’oe hau atu ā ! ’Ua ha’api’i te peresideni Nelson ē ’ia pāpetito-ana’e-hia ’outou ’e ’ia rave ana’e ’outou i te hō’ē fafaura’a e te Atua, e’ita roa atu ’oia e fa’aru’e i te tauturura’a ia ’outou.* Tē ani nei te Metua i te ao ra ia ’outou e ’ia fa’ari’i i te tao’a hōro’a o te Vārua Maita’i nō te arata’i ia ’outou ’ia ha’amau-ana’e-hia ’outou. ’E ’ia hape ana’e tā ’outou mā’itira’a, e nehenehe ’outou e tātarahapa ’e e fa’a’orehia tā ’outou mau hara nō te mea te Tamaiti a te Metua i te ao ra, ’o Ietu Metia, ’ua ho’o a’ena ’oia i tā ’outou mau hara.

’Auē īa ha’amaita’ira’a tā te Metua i te ao ra e ani manihini nei ia ’outou i te va’ura’a o tō ’outou matahiti ’ia rave i te hō’ē fafaura’a e ’ōna ’ia ti’a iāna ’ia ha’amaita’i rahi atu ā ia ’outou ! E ’oa’oa rahi tē tīa’i nei ia ’outou ’a rave ai ’outou i teie ’ē’a nō te pe’e atu ia Ietu Metia.

Fa’ahōho’ara’a nā Bryan Beach