« Ineine nō te pe’e ia Iesu, » Hoa, Tēnuare 2026, 4–5.

Ineine nō te pe’e ia Iesu

E piti tamāhine maeha’a e tāpe’a ra i te ve’a Hoa nō te pāpetitora’a ’e te ha’amaura’a

’Ia ora na !

’O Hailey ’e ’o Violette māua, e tuahine maeha’a nō Arizona, Marite. Tē hina’aro nei māua e pe’e i te hi’ora’a o te Fa’aora, nō reira tē fa’aineine nei māua ’ia bāpetizohia !

E mau tamāhine e ti’a ra i roto i te hiti ’ānāvai ’e tō rāua māmā ’e te pāpā

E mea au nā mātou ’ia haere nā te hiti ’ānāvai fātata i tō mātou fare. ’Ia pāpetito-ana’e-hia tātou, e ha’amata tātou i te tahi orara’a ’āpi pae vārua nā muri ia Iesu ! E pārahi te Vārua Maita’i i pīha’i iho ia tātou ’a tāmata ai tātou i te pe’e i te Fa’aora i te mau mahana tāta’itahi.

Nā tamahine e ’ohi ra i te pipi i te hiti ’ānavai

I te tahi taime e ’ohi mātou i te mau pipi ’uo’uo nā te hiti o te ’ānāvai. Tē fa’aha’amana’o mai nei te reira ia tātou i te hō’ē mea tā te Fa’aora i fafau mai : « ’Ia ’ute’ute roa tā ’outou mau hara ra, e riro īa mai te hiona » (Isaia 1:18). Maoti ’o Ietu Metia, e nehenehe tātou e tātarahapa e ’ia mā fa’ahou i muri mai i tā tātou mā’itira’a tano ’ore. E ’ō’omo ato’a tātou i te ’ahu ’uo’uo i te mahana e pāpetitohia ai tātou nō te ha’amana’o ato’a i te reira.

Nau tamāhine ’e tō rātou pāpā e tāora ra i te ’ōfa’i i ni’a i te ’ānāvai

E mea maita’i roa tō mātou pāpā i te tāorara’a i te mau ’ōfa’i i ni’a i te ’ānāvai ! Tē ha’api’i nei ’oia ia māua e nāhea ’ia rave i te reira, ’e e maita’i ri’i māua i te mau taime ato’a e tāmata māua i te reira. E au te reira mai te huru ē ’o Ietu Metia te ’orometua ha’api’i maita’i roa. Tē hina’aro nei ’oia e tauturu ’ia tātou ’ia ha’api’i ’e ’ia tupu i te rahi.

Nau tamāhine e haere ra i roto i te ’ānāvai ’a tāpe’a ai i te rima ’o tō rātou māmā

E he’ehe’e ha noa te mau ’ōfa’i i roto i te ’ānāvai, ’e e tauturu te reira ’ia tāpe’a i te rima o tō mātou māmā. Te reira noa ’o Iesu nō tātou ’ia hina’aro ana’e tātou i te tauturu. ’E ’ia pāpetito-ana’e-hia tātou, e fafau tātou nō te tauturu ia vetahi ’ē mai tāna e nā reira !

Mea au nā mātou ’ia hāhaere nā te hiti ’ānāvai ’e tō mātou ’utuāfare. ’Ia pāpetito-ana’e-hia tātou, tei ni’a īa tātou i te ’ē’a nō te fafaura’a ’o tē fa’aho’i ia tātou i tō tātou fare i ni’a i te ra’i ra. E nehenehe tātou e fa’aea e tō tātou ’utuāfare ē a muri noa atu

Tē ’oa’oa nei au ’ia pāpetitohia vau nō te mea tē hina’aro nei au e pe’e i te hi’ora’a ’o Iesu. E ti’a iā’u ’ia fa’a’ite i te Metua i te ao ra ē tē hina’aro nei au e ha’apa’o i te mau fa’auera’a.

Violette W., 7 matahiti, Arizona, Marite

Tē hina’aro nei au i te pe’e ia Ietu Metia. I muri mai i tō’u pāpetitora’ahia, e nehenehe au e fa’ari’i i te Vārua Maita’i, ’e e nehenehe te Vārua Maita’i e tauturu iā’u ’ia fa’aitoito.

Hailey W., 7 matahiti, Arizona, Marite