Te mā’a e te & fa’a’oa’oara’a

’Ua here te Metua i te ao ra ’e ’o Ietu Metia ia ’outou ! ’A hāmani i teie tāreta ’ārearea nō te parau i te tahi feiā o tā ’outou i here ato’a.

1. ’A tūfetu i te hō’ē ’api parau ’uo’uo i te ’āfara’a.

2. ’A tu’u i tō ’outou manimani rima tāronarona i ni’a i te ’āua ’e ’a tāpa’o mai i tō ’outou rima.

3. Tāpūpū ma te ’āpe’e i te rēni. ’Eiaha e tāpūpū nā ni’a i te tūfetufetura’a !

4. ’A ’īriti i tā ’oe tāreta ’e ’a pāpa’i ’e ’aore rā ’a pāpa’i hōho’a i te hō’ē poro’i maita’i nō vetahi.

’A parai i te tirīmu o tā ’outou e mā’iti i ni’a i te tōrotīa. E nehenehe tā ’outou e tāmāta i te pata ’aratita ’e te vaihotu putua, te tomatina marō ’e te pata pa’ari, te fāfā papa’a ’e te moa ra’oro, ’e ’aore rā, noa atu te huru o tā ’outou e hina’aro ! I muri iho, ’a fa’a’ohu i te tōrotiā ’e ’a tāpūpū māite i te reira ’ei tuha’a tāta’itahi. A horo’a ma te hā’ono i ni’a.

’A ora ai ’o Ietu Metia i ni’a i te fenua nei, ’ua aroha ’oia ’e ’ua tāvini i te mau ta’ata ato’a. E nehenehe tātou e pe’e i tōna hi’ora’a i teie mahana. Nāhea ’oe i te tauturura’a ia vetahi ’ē ?

’Ia tauturu ana’e au ia vetahi ’ē mai te huru ra ē e tupu te poupou ’e te ’oa’oa mau ’o te Metua i te ao ra.

Felix G., 11 matahiti, tuha’a fenua nō Kisumu, Kenya

’Ua tauturu vau i te hō’ē tamari’i tei pēpē i ni’a i te tahua ha’utira’a. ’Ua ’oa’oa roa vau nō te mea ’ua nehenehe au e tauturu.

Hazel L., 7 matahiti, California, Marite