« E’ita e maoro e ti’ahia tō’u e va’u matahiti »

’I te onora’a o te matahiti o tā’u tamāhine, ’ua tūtava māua e ’ia māta’ita’i ’oia i te mau pāpetitora’a o te tahi atu mau tamari’i. I muri mai i te mau pāpetitora’a tāta’itahi, ’ua paraparau māua iāna i ni’a i te ’ohipa i tupu. ’Ua tauturu māua iāna ’ia māramarama ē, ’ia nava’i ana’e tōna pa’ari nō te pāpetitora’a, e nehenehe ïa iāna ’ia ha’avā i te maita’i ’e te ’ino. I muri a’e i te pāpetitora’a tāta’itahi, e parau ’oia ē : « Fātata roa tō’u e va’u matahiti, ’e e pāpetito-ato’a-hia vau. »

I te pae hope’a, ’ua ti’a te va’ura’a o te matahiti o tā’u tamāhine. ’Ua pāpetito ’e ’ua ha’amauhia ’oia. Te ha’amaura’a ’e te hōro’ara’a nō te Vārua Maita’i. ’Ua parau māua iāna ē e te mau rāve’a maita’i roa a’e nō te tāpe’a i te Vārua Maita’i i pīha’i iho iāna ’o te ravera’a ïa i te ’ōro’a mo’a.

’Ia rave ana’e ’outou i te ’ōro’a mo’a, e fafau ’outou e ha’amana’o tāmau noa i te Fa’aora. E tauturu te Vārua Maita’i ia ’outou ’ia rave i te mau mea tā Ietu i ha’api’i ’e e fa’aha’amana’o ia ’outou i te mea tā ’outou i ha’api’i i ni’a iāna i te fare ’e i te Paraimere. E paraparau te Vārua Maita’i nā roto i te hō’ē reo iti ha’iha’i ’e e tauturu te reira ia ’outou ’ia māramarama i te mea ti’a ’e e aha te mea hape.

I teienei ’ua au roa tā’u tamāhine i te ’ōro’a mo’a ! ’E e nehenehe ato’a ’outou. ’A rave ai ’outou i te ’ōro’a mo’a i te mau hepetoma ato’a ’e ’a ha’amana’o ai ia Ietu Metia, e fa’ari’i rahi atu ā ’outou i te Vārua Maita’i, ’e e tāmau noa ’oia i te arata’i ia ’outou. E ti’a ia ’outou ’ia ha’amana’o tāmau noa ia Ietu Metia.

Te mau ta’ahira’a nō te fafaura’a

Fa’a’ū i te mau hōho’a tāta’itahi nō te pe’e i te tamāhine a Elder Ojediran e fa’aineine nō te rave ’e nō te ha’apa’o i tāna fafaura’a nō te pāpetitora’a.

Fa’ahōho’ara’a nā Samantha Windley