Te pe’era’a ia Ietu i te fenua Firipino

’Ua pe’e ’o Adam ia Ietu Metia nā roto i te tauturura’a ia vetahi ’ē. I te tahi taime i te fare ha’api’ira’a, ’aita tā tōna hoa ha’api’ira’a e mā’a nō te tāmā’a. ’Ua fa’aoti ’o Adam ’ia ’ōpere i tāna mā’a iāna. Tē nā ’ō ra ’oia : « ’Ua ’oa’oa roa vau nō te mea ’ua ti’a iā’u ’ia tauturu ia vetahi ’ē, mai tā Ietu i rave. »

Tē pe’e ato’a nei ’o Adam ia Ietu nā roto i te purera’a. ’Aita i maoro a’enei, ’ua horo ’oia nō te peresidenira’a o tāna ’āpo’ora’a pīahi i te fare ha’api’ira’a. ’Ua pure ’e ’ua ani ’oia i te Metua i te ao ra ’ia tauturu iāna ’ia ’oa’oa noa atu te hope’ara’a o te mā’itira’a. « ’Aita vau i upo’oti’a, ’ua ’ite rā vau ē e fa’anahora’a maita’i atu ā tā te Fatu nō’u, » tē parau ra ’o Adam.

Matahiti : 10

Nō : Rizal, Firipino

Te mau reo : Tagalog, Peretāne

Fā : ’Ia riro ’ei taote tāpū ’ia nehenehe iāna ’ia tauturu i te ta’ata

Mau fa’a’ana’anataera’a : Rave i te taime e te mau hoa ’e te ha’utira’a i te tā’irira’a pōpō huruhuru manu (badminton)

’Utuāfare : ’O Adam, ’o Māmā, ’o Pāpā, e piti tuahine pa’ari ’e e piti taea’e pa’ari.

’Ā’amu o te pāpa’ira’a mo’a : I te ti’afa’ahoura’a ’o Ietu Metia, nō te mea te aura’a ra e nehenehe ato’a tātou e ora fa’ahou

Tau fa’afa’aeara’a : Noera

Mā’a : Nilaga (ragoūt e te pua’a, bok choy, ’e te ’ūmara pūtete)