Tai’ora’a pāpa’ira’a mo’a tāhepetoma ’ārearea

Hīmene : « Fa’ati’a mai tō Iesu ’ā’ai » (Hīmene nā te mau tamari’i, 36).

Pāpa’ira’a mo’a : Isaia 9:6

’Ātivite : E nehenehe tātou e ha’api’i mai nō ni’a ia Iesu Mesia, ’a tai’o ai tātou i te Faufa’a Tahito. Haere i te ’api 49 nō te hō’ē ’imira’a ’āmui i te pāpa’ira’a mo’a. ’Aore rā, e mā’iti i te hō’ē tuha’a o te pāpa’ira’a mo’a nō te tai’o ’āmui.

Hīmene : « Nā te Atua vau » (Hīmene nā te mau tamari’i, 2)

Pāpa’ira’a mo’a : Mose 1:4

’Ātivite : ’Ua parau te Atua ia Mose, « e tamaiti ’oe nā’u » (Mose 1:4). E mau tamari’i pā’āto’a tātou nā te Metua i te ao ra. ’A feruri i te hō’ē ta’ata ’o tē hina’aro ’ia fa’aha’amana’ohia ’oia ē, e tamari’i ’oia nā te Atua. E hīmene ’aore rā e fa’ata’i nō rātou i te hīmene « Nā te Atua vau » (Hīmene nā te mau tamari’i, 2).

Hīmene : « ’Ua here tō’u Atua iā’u » (Hīmene nā te mau tamari’i, 16)

Pāpa’ira’a mo’a : Mose 2:1

’Ātivite : I raro a’e i te arata’ira’a a te Metua i te ao ra, ’ua poiete Iesu Mesia i te fenua (hi’o Mose 2:1). E aha te hāmanira’a nehenehe tā ’oe e māuruuru nei ? ’A hāmani i te fenua i ni’a i te ’api i muri mai ! E nehenehe ’oe e pāpa’i i te tahi atu mau hōho’a nā tō ’oe ’utuāfare. E tāpūpū i te reira ’e e fa’atautau atu i te hō’ē vāhi nō te fa’aha’amana’o ia ’oe ē, ’ua poiete te Atua i te fenua nō ’oe nō te mea ’ua here ’oia ia ’oe.

Hīmene : « ’A mā’iti te maita’i » (Hīmene nā te mau tamari’i, 82)

Pāpa’ira’a mo’a : Moses 4:3

’Ātivite : ’Ua hōro’a mai te Atua i te hōro’a nō te ti’amāra’a ’ia mā’iti (hi’o Mose 4:3). Te ti’amāra’a ’o te mana ïa nō te rave i te mau mā’itira’a. E nehenehe ’oe e rave i te mau mā’itira’a maita’i ma te pe’era’a ia Iesu Mesia ’e te tāvinira’a ia vetahi ’ē. ’A tāvini i te hō’ē ta’ata ’e tō ’oe ’utuāfare I muri iho, ’a rēni ’e ’a tāpūpū i te hō’ē hōho’a rima, ’a pāpa’i i ni’a i te mea tā ’oe i rave, ’e ’a hāpono i te reira i te Hoa ! Ha’api’i rahi mai ā i te ’api 13.