« ’Ia ora na mai te fenua Firipino ! » Hoa, Tēnuare 2026, 8–9.
’Ia ora na mai te fenua Firipino !
E ta’amotu rau ’ā’ano ’o Firipino i te to’o’a o te rā nō te Moana Pātifita. ’Ua hau i te 100 mirioni ta’ata e ora ra i reira ! Te mau reo mana, ’o te reo Firipino īa ’e te reo peretāne.
Fenua motu rau
’Ua hau i te 7,640 motu i Firipino. Tē ora nei te nūna’a i ni’a i na 2,000 o taua mau motu ra.
Tōtōrā nō te tau māhanahana
Tei ni’a te Tōtōrā Hills i te motu nō Bohol. I te ’anotau marō, e taui te mau hōho’a o teie mau ’āivi ’ei hōho’a tōtōrā !
E ’āeto rahi
Te ’āeto Firipino o te manu ’āi’a īa ’e ’o te hō’ē manu ’āeto rahi roa a’e i roto i te ao nei.
Tautaira’a ’e te ’ofe
E rave rahi te mau ta’ata e tautai nei i ’ō nei. Te tahi rāve’a e roa’a ai ia rātou te i’a, o te tā’irira’a īa i ni’a i te pape ’e te hō’ē ’ofe roroa. Nā te reira e ’arata’i i te i’a i roto i tā rātou mau ’ūpe’a.
Te tau nō te fa’a’oa’oara’a !
I te fenua Firipino, tē fa’atupu nei mātou i te ’oro’a Noera e maha ’āva’e te maoro, ha’amata i te ’āva’e Tetepa. E ha’amata mātou i te ha’uti i te pehe Noera ’e te fa’anehenehera’a tae roa atu i te hope’a o te tau i te ’omuara’a īa o te ’āva’e Tēnuare.
Fa’ahōho’ara’a nā Minna Miná