Paglalaro nang Sama-sama

Ni Jane McBride

Isang kuwento sa tunay na buhay mula sa USA.

Nalulungkot si Diego. Lumipat kasi sa ibang lugar ang pamilya niya. Nangulila siya sa mga kaibigan niya sa dati nilang bahay.

Isang batang lalaking mukhang malungkot habang nakikipaglaro sa kanyang mas batang kapatid na babae

Nakipaglaro ngayon si Diego sa kanyang mas batang kapatid na si Cara. Pero gusto rin niya ng isang bagong kaibigan.

Isang lalaki at isang babaeng ipinakikilala ang kanilang mga anak sa isa’t isa

Hindi nagtagal ay may lumipat na pamilya sa kabilang pintuan. Mayroon silang isang maliit pang anak na lalaki, tulad niya! Ang pangalan niya ay Sam.

Araw-araw na magkasamang naglaro sina Diego at Sam.

Batang lalaking naglalaro ng mga laruang tren; isang batang lalaking inaaliw ang kanyang mas batang kapatid na babae na umiiyak

Isang araw habang naglalaro sila, nakita ni Diego na malungkot si Cara. Nalulungkot din siguro siya.

Nakangiting batang lalaki at isang masayang batang babaeng nakaunat ang mga bisig

“Gusto mo bang makipaglaro sa amin?” tanong ni Diego.

Ngumiti nang husto si Cara. “Laro!”

Dalawang batang lalaki at isang batang babaeng sama-samang naglalaro ng mga laruang tren

Magkakasamang naglaro ng mga laruang tren sina Diego, Sam, at Cara. Pabalik-balik nilang itinulak ang mga laruang kotse ng tren. “Choo-choo!” Ngumiti si Diego. Masaya siya, at gayundin si Cara!