Хамт тоглох нь

Жэйн Макбрайд

АНУ-д болсон бодит түүх.

Диего ганцаардаж байлаа. Түүний гэр бүл шинэ газар нүүж ирсэн байв. Тэр амьдарч байсан газрынхаа найзуудыг саналаа.

Эмэгтэй дүүтэйгээ тоглож байхдаа гунигтай харагдаж байгаа хүү

Диего одоо жаахан эмэгтэй дүү Каратайгаа тоглодог. Гэхдээ тэр шинэ найзтай болохыг хүсэв.

Эрэгтэй, эмэгтэй хоёр хүн хөвгүүдээ танилцуулж байгаа нь

Удалгүй нэг гэр бүл зэргэлдээ байранд нь нүүж ирэв. Тэд яг л түүн шиг жаахан хүүтэй байлаа! Түүнийг Сэм гэдэг байв.

Диего, Сэм хоёр өдөр бүр хамт тоглодог болов.

Тоглоомын галт тэргээр тоглож байгаа хүү; Уйлж буй дүүгээ тайтгаруулж байгаа хүү

Нэг өдөр тэднийг тоглож байхад Кара гунигтай байгааг Диего олж харжээ. Тэр ч бас ганцаардаж байгаа байх.

Инээмсэглэсэн хүү; аз жаргалтай охин хоёр гараа дэлгэсэн байна

“Чи бидэнтэй тоглохыг хүсэж байна уу?” гэж Диего асуулаа.

Кара нүүр дүүрэн инээмсэглээд “Тоглоё!” гэв.

Хоёр хүү, нэг охин тоглоомон галт тэргээр хамтдаа тоглож байгаа нь

Диего, Сэм, Кара нар галт тэргээр хамт тоглолоо. Тэд тоглоомон галт тэрэгнүүдийг нааш цааш түлхэв. “Чүү-чүү!” гээд Диего инээмсэглэв. Түүнд хөгжилтэй байв. Карад ч мөн адил!