“Pesë Bukë dhe Dy Peshq”, Miku, shtator 2025, f. 2–3.
Nga Presidenca e Fillores
Pesë Bukë dhe Dy Peshq
Nga një intervistë me Lusi Stivenson Iuellin.
Një nga historitë e mia të parapëlqyera është në Dhiatën e Re. Më shumë se pesë mijë njerëz e dëgjuan Shpëtimtarin të jepte mësim gjithë ditën. Ata filluan të kishin uri.
Njëri nga dishepujt tha: “Këtu është një djalosh që ka pesë bukë elbi dhe dy peshq të vegjël; por ç’janë këto për aq njerëz?” (Gjoni 6:9.)
Jezusi u kërkoi atyre t’i sillnin ushqimin, dhe Ai u lut. Më pas ndodhi një mrekulli. Kishte mjaftueshëm sa për t’i ushqyer të gjithë. Madje tepruan 12 kanistra me bukë!
Dua që ti të mbash mend se kush i solli bukët dhe peshqit. Ishte një djalë i vogël! Ai ia dha gjithë çfarë kishte Shpëtimtarit.
Fëmijët janë aq të rëndësishëm për Atin Qiellor. Kur e ndjek Jezu Krishtin duke u shërbyer të tjerëve, Ai do të të bekojë.
Edhe Ti Mund të Japësh!
Vizato një figurë të një mënyre se si mund t’u shërbesh të tjerëve.