Paano Mo Malalaman na Mahal Ka ng Ama sa Langit?

Nadarama ko ang pagmamahal ng Ama sa Langit sa pamamagitan ng mga magulang ko. Nagpapakita sila ng mabubuting halimbawa sa akin, at dama ko ang kanilang walang-maliw na pagmamahal. Nadarama ko rin ang pagmamahal ng Diyos sa pamamagitan ng pagbabasa ng mga banal na kasulatan at pagtanggap ng sakramento tuwing Linggo.

Layden U., edad 10, Tuamsaga, Samoa

Nadarama ko ang pagmamahal ng Ama sa Langit kapag nagdarasal ako at kapag gumagawa ako ng mabubuting bagay para sa ibang tao.

Philicia H., edad 10, Christ Church, Barbados

Nadarama ko na mahal ako ng Ama sa Langit dahil binigyan Niya ako ng pamilya at lumikha ng maraming magagandang bagay para mabuhay ako nang masaya.

Tiffany A., edad 8, Ceará, Brazil

Nadarama ko ang pagmamahal ng Ama sa Langit kapag kasama ko ang aking mga kabayo. Sa palagay ko ay natututo pa rin ako kung paano ito maramdaman.

Eirwen B., edad 9, Wyoming, USA

Alam kong mahal ako ng Ama sa Langit dahil nilikha Niya ako. Mahal Niya ako dahil isinugo Niya ang Kanyang Pinakamamahal na Anak upang mamatay para sa aking mga kasalanan. Sinasagot Niya ang aking mga panalangin.

Sharon K., edad 9, Central Region, Uganda

Tinutulungan Niya tayo. Binigyan Niya ako ng mabuting kalusugan, magandang pamilya, at napakagandang paaralan. Tinutulungan at sinusuportahan Niya ang mga maysakit at ang mga taong nangangailangan.

E’rich J., edad 9, Ouest, Haiti

Dahil sa pagmamahal ng Ama sa Langit, nadarama kong ligtas at panatag ako.

Jarom K., edad 10, Hattula, Finland

Alam ko na mahal ako ng Ama sa Langit dahil pinagpapala Niya ako araw-araw.

Jack C., edad 10, Cebu, Philippines

Nakatira ako sa isang lugar na napapaligiran ng mga bundok, at kapag pumupunta ako roon para mag-camping, nadarama ko ang pagmamahal ng ating Ama sa Langit.

Chloé L., edad 10, Auvergne-Rhône-Alpes, France

Nadarama ko ang pagmamahal ng Diyos kapag nakakatulong ako sa pagkakaroon ng magandang sportsmanship sa mga laro ng soccer.

Brayden Q., edad 10, Colorado, USA