ʻOku Ngāue Fakafaifekau ʻa e Kau ʻAposetoló ki Pilitānia Lahi

Ko Siosefa Sāmita ʻokú ne fakakaukauloto ki he kau ʻAposetoló ʻi heʻenau malanga ʻi Pilitānia Lahí

Naʻe folofola ʻa e ʻEikí kia Siosefa Sāmita ke fekauʻi ha niʻihi ʻo e kau ʻAposetoló ke nau ngāue fakafaifekau ki Pilitānia Lahi. Naʻe faingataʻa ki he kau ʻAposetoló ke nau mavahe mei honau ngaahi fāmilí, ka naʻe talaʻofa ʻe he ʻEikí ke tāpuakiʻi kinautolu.

Naʻe kei talavou ʻa e fāmili ʻo Hiipa C. Kimipolo mo hono uaifi ko Vilate. Ko e tokolahi ʻo kinautolu naʻa nau puke lahi.

Ko e lea māvae ʻa Pilikihami ʻIongi ki hono fāmilí

Naʻe puke foki mo Pilikihami ʻIongi, pea naʻe masiva hono fāmilí. Ka naʻe talaange ʻe Mele Ane, ko e uaifi ʻo Pilikihamí, “ʻAlu ʻo fakahoko hoʻo ngāue fakafaifekaú, pea ʻe tāpuakiʻi koe ʻe he ʻEikí.”

Ko e heka ʻa Hiipa mo Pilikihami ʻi mui ʻi ha saliote

Naʻe fakaʻau ke sai ange ʻa Hiipa mo Pilikihami, ka naʻá na fuʻu vaivaia ʻaupito. Naʻá na fie malanga ʻaki ʻa e ongoongoleleí, ko ia naʻá na lea māvae ki hona ongo fāmilí peá na kaka ki mui ʻi ha saliote ke kamata ʻena fonongá.

Ko hono malangaʻi ʻe Hiipa mo Pilikihami ʻa e ongoongoleleí ki he kakai ʻi Pilitānia Lahí

Hili ha folau lōloa ʻa Hiipa mo Pilikihami ʻi he tahí, naʻá na tūʻuta ki Pilitānia Lahi. Naʻá na akoʻi mo e kau ʻAposetolo kehé ʻa e ongoongoleleí ki ha kakai tokolahi. Naʻe papitaiso ha kakai ʻe lauafe ki he Siasi ʻo Sīsū Kalaisí. Naʻe folau honau tokolahi ʻi he tahí ke kau fakataha mo e Kāingalotu ʻi he ʻIunaiteti Siteití.

Ko e talitali lelei ʻe he ongo fāmili ʻo Hiipa mo Pilikihamí kinaua ʻi he uafú

Naʻe tauhi ʻe he ʻEikí ʻEne talaʻofa ke tokangaʻi ʻa e ongo fāmili ʻo Hiipa mo Pilikihamí lolotonga ʻena ngāue fakafaifekau kiate Iá.