Ko e Faʻifaʻitakiʻanga ʻEku Kui Fefine Uá

Fai ʻe Palesiteni Henry B. Eyring

Tokoni Ua ʻi he Kau Palesitenisī ʻUluakí

Toʻo mei he “ʻOku Mahinongofua e Tokāteline ʻo Sīsū Kalaisí,” Liahona, Nōvema 2024, 96–99.

Fefine ʻokú ne lalanga ha tupenu, ʻo ʻātakaiʻi ia ʻe ha kakai lalahi mo e fānau ʻoku nau fakafanongo kiate ia

Naʻe līʻoa ʻeku kui fefine hono ua ko Mele Pōmelí ʻi hono vahevahe ʻa e ongoongolelei ʻo Sīsū Kalaisí. Naʻe akoʻi hono fāmilí ʻe he kau faifekaú ʻi Suisalani ʻi hono taʻu 24.

Hili hono papitaiso iá, naʻe hiki ʻa Mele ki Siamane. Naʻe ʻilo ʻe Mele he ʻikai ke ne kei lava ʻo taʻofi ʻene vahevahe ʻa e meʻa kuó ne akó. Naʻe haʻohaʻo takai ʻa e kakaí ʻiate ia ke fanongo ki heʻene faiakó ʻi heʻene lalanga ʻa e tupenú.

Naʻe lave ʻa Mele kau ki he Tohi ʻa Molomoná mo e ʻaʻahi ʻa e Tamai Hēvaní mo Sīsū Kalaisi kia Siosefa Sāmitá. Naʻá ne akoʻi fekauʻaki mo e Toetuʻú. Naʻá ne fakamoʻoni ʻe lava ke fakataha ʻa e ngaahi fāmilí ʻo taʻengata.

Ko ha ngāue toputapu ʻa hono akoʻi e fānau ʻa e Tamai Hēvaní fekauʻaki mo Sīsū Kalaisí. ʻI heʻetau akoʻi ʻa e ngaahi tefitoʻi moʻoni ko ʻení ki he niʻihi ʻoku tau ʻofa aí, ʻe tokoni ʻa e Laumālie Māʻoniʻoní ke tau ʻilo ʻa e moʻoní.

Tā ha Talanoa Fakafāmili

Naʻe ueʻi fakalaumālie ʻa Palesiteni ʻAealingi ʻe heʻene kui fefine uá. Ko hai ʻi ho fāmilí ʻokú ne ueʻi koe ke ke fili ki he totonú? Fakaʻaongaʻi ʻa e ngaahi tapafā ʻi laló ke tā ha talanoa fakafāmili.