Tohi ʻe Koe
ʻOku Moʻoni Nai ʻa Sīsū?
ʻI ha ʻaho ʻe taha naʻá ku kau fakataha mo hoku tokouá mo e tuongaʻané ʻi he tēpilé ke fakahoko ʻemau ako folofola fakafāmilí. Naʻe kamataʻi ʻe heʻeku faʻeé ʻemau lēsoni Haʻu, ʻo Muimui ʻIate Aú, ka naʻe ʻikai ke u fuʻu tokanga au ki ai. Naʻá ku fakakaukau au ki ha meʻa ʻe taha: ʻOku moʻoni nai ʻa Sīsū?
Naʻa mau ako ʻi he lotú mo e Palaimelí ʻokú Ne moʻoni, ka naʻe ʻikai ke u ʻiloʻi ʻiate au pē. Naʻá ku fakakaukau mo fakakaukau, ka naʻe ʻikai ke u maʻu ʻa e talí.
Hili ʻa e ako folofolá, naʻá ku fehuʻi ki heʻeku faʻeé, “ʻOku moʻoni nai ʻa Sīsū?”
Naʻe pehē ange ʻe heʻene faʻeé, “Fehuʻi lelei ena. “Fēfē kapau te ke lotu fekauʻaki mo iá?”
Naʻá ku pehē ange, “Sai.”
Naʻá ku fai ha lotu ʻi he pō ko iá peá u fehuʻi, “Tamai Hēvani, ʻoku moʻoni nai ho ʻAló?” Naʻá ku ongoʻi leva ha ongo māfana moʻoni ʻi hoku lotó. Naʻá ku ʻilo naʻe tali mai ʻe he ʻOtuá ʻeku lotú. Hili iá, naʻá ku fai ha lotu fakamālō ki he Tamai Hēvaní ʻi hono tali [ʻeku lotú]. ʻOku ou ʻiloʻi ʻokú Ne fanongo mai ki heʻeku ngaahi lotú pea te Ne toe fanongo foki ki hoʻo ngaahi lotú.
Tā fakatātaaʻi ʻe Emily Davis