Vaʻinga Tolo Vavé

Fili ha meʻa molū ke tolo, hangē ko ha hoaʻi sitōkeni kuo haʻi, ko ha foʻi pulu molū, ko ha falani—ha meʻa pē!

Tangutu fuopotopoto ʻo seti ha uasi ki ha sekoni ʻe 30. Tolo ʻa e meʻa toló mei he tokotaha ki he tokotaha ʻi he vave taha te ke lavá. ʻI he taimi ʻoku tatangi ai ʻa e uasí, ko hai pē ʻokú ne maʻu ʻa e meʻa toló ʻoku ʻikai toe kau ia.

Toutou kamata ʻa e uasí pea toutou vaʻinga kae ʻoua kuo toe ʻa e toko taha pē. ʻE mālohi ʻa e tokotaha fakaʻosí! Te ke lava foki ʻo fakahoko ʻa e vaʻinga ko ʻení ʻaki ʻa e mūsiká ʻaki haʻo tā mo taʻofi ia ʻi ha faʻahinga taimi pē. Ko hai pē ʻokú ne maʻu ʻa e meʻa toló ʻi he taimi ʻoku taʻofi ai ʻa e fasí ʻoku ʻikai toe kau ia, pea ko e tokotaha fakamuimui tahá ʻe ikuná.