Mālō e Lelei mei Taiuani!

Ko Taiuaní ko ha motu ofi ki Hongo Kongo. ʻOku nofo ai ha kakai ʻe 23 miliona tupu. Ko e ngaahi lea fakafonua ʻoku lahi taha hono fakaʻaongaʻí ko e Menitalini, Hokieni, mo e Haka.

Kiʻi Taimi Mohe!

ʻI Taiuani ʻoku angamaheni ʻaki ʻi he ngaahi ʻapiakó mo e ngaahi ʻōfisí ke kiʻi mohe ʻi he ʻosi ʻa e maʻu meʻatokoni hoʻataá.

Ko ha Matalaʻiʻakau Makehe

Naʻe hoko ʻa e matalaʻi palamu polosomú (plum blossom) ko ha fakaʻilonga fakaʻofisiale ʻo Taiuani ʻi he 1964. Naʻa nau fili ia koeʻuhí he ʻoku matala ia ʻo aʻu pē ki he lolotonga ʻo e faʻahitaʻu momokó.

Fononga Vavé

Ko e Taipei 101 ʻa e fale māʻolunga taha ʻi Taiuaní. ʻOku ʻi ai ha ʻeleveita vave ʻaupito ʻoku sekoni pe ʻe 37 ke ʻalu mei he fungavaka 5 ki he fungavaka 89.

ʻOtu Moʻunga Lahi

ʻOku laka hake ʻi he vaeua ʻo Taiuaní ʻoku moʻungaʻia. ʻOku ʻi ai foki mo ha ngaahi moʻunga afi, ka ʻoku teʻeki ai ke nau mapuna ʻi ha taʻu ʻe laungeau.

ʻUmata Fakaʻofoʻofa

Naʻe hoko ʻa e ʻumata tuʻuloa taha ʻi he māmaní ʻi Taiuani. Naʻe lava ʻa e kakaí ʻo sio ki ai ʻi ha meimei houa ʻe hiva!

Kātoanga Maama ʻi he Langí

Ko e Kātoanga Maama ʻa Taiuaní ko ha fakaʻilonga ia ʻo e ʻamanaki lelei, fiefia, mo e uouangataha. Lolotonga ʻa e kātoanga lahi ko ʻení, ʻoku ngaohi ʻe he kakaí ha ngaahi maama pea tukuange kinautolu ki he langí.