Ol Aposol oli givim Seves long wan Misin i go long Great Britain

Josef Smit i stap pikjarem ol Aposol oli stap prijim gospel long Great Britain

Lod i talem long Josef Smit blong sendem sam long ol Aposol i go long wan misin long Great Britain. I had blong ol Aposol oli lego biaen ol famli blong olgeta, be Lod i promes blong blesem olgeta.

Heber C. Kimball mo waef blong hem, Vilate, i gat wan yang famli. Plante long olgeta oli sik tumas.

Brigham Yang i talem tata long famli blong hem.

Brigham Yang i sik tu, mo famli blong hem i pua. Be waef blong Brigham, Meri An, i talem long hem: “Go mo mekem misin blong yu, mo Lod bambae i blesem yu.”

Heber mo Brigham oli ron biaen long wan wagon

Heber mo Brigham oli kam gud, be oli no strong inaf yet. Oli wantem blong prijim gospel, mekem se oli talem tata long ol famli blong olgeta mo klaem long wagon mo statem rod blong olgeta.

Heber mo Brigham i stap prijim gospel long ol pipol long Great Britain

Afta long wan longfala trip krosem solwota, Heber mo Brigham oli kasem Great Britain. Wetem ol narafala Aposol, oli tijim plante pipol gospel. Taosen long ol pipol oli baptaes.i kam long Jos blong Jisas Kraes. Plante long olgeta oli krosem solwota blong joenem ol Sent long Yunaeted Stet.

Ol famli blong Heber mo Brigham oli kam talem halo long olgeta long waf

Lod i bin kipim promes blong hem blong lukaotem ol famli blong Heber mo Brigham taem oli stap givim seves long Hem olsem ol misinari.