I Kam long Fas Presidensi
Eksampol blong Bigfala Apu Woman Blong Mi
Oli karemaot long “Doktrin blong Jisas Kraes I Simpol,” Liahona, Novemba 2024, 96–99.
Bigfala apu woman blong mi Mary Bommeli i putum fultaem blong hem blong serem gospel blong Jisas Kraes. Ol misinari oli bin tijim famli blong hem long Switzerlan taem hem i gat 24 yia.
Afta long baptaes blong hem, Mary i gobak long Jemani. Hem i filim se hem i no save stopem hemwan blong serem ol samting we hem i bin lanem. Pipol oli stap raonem hem blong harem hem i stap tij taem hem i stap wivim kaliko.
Mary i tokbaot Buk blong Momon mo Papa long Heven mo Jisas Kraes i visitim Josef Smit. Hem i tijim abaot Girap bakegen long ded. Hem i testifae se famli oli save stap tugeta blong oltaem.
Blong stap tijim ol pikinini blong Papa long Heven abaot Jisas Kraes i wan tabu wok. Taem yumi tijim ol prinsipol ia long olgeta we yumi lavem, Tabu Spirit bae i helpem yumi blong save trutok.
Droem wan Famli Stori
Presiden Eyring i kasem insperesen tru long bigfala apu woman blong hem. ?Huia long famli blong yu i givim insperesen long yu blong jusum raet? Yusum ol panel daon ia blong droem wan famli stori.
Pikja droing i kam long Shawna J. C. Tenney