Stap Folem Jisas long Taiwan

Ellie i stap folem Jisas Kraes taem hem i stap helpem famli blong mekem ol famli haos naet aktiviti. Hem i tijim smol brata mo smol sista blong hem namba fo toktok blong bilif blong wan aktiviti. Hem i lanem baehat ol toktok blong bilif taem hem i stap ripitim truaot long dei. “Taem mi mekem olsem ia i save helpem mi kam wan step kolosap long Kraes,” Ellie i talem.

Ellie, i wan we i stap mekem pis insaed long famli blong hem. Hem i help blong mekem sista blong hem i werem sus mo fidim hem taem mama i bisi. Taem ol smol brata mo sista blong hem i stap faet from ol swits o wan jea, hem i serem wetem tufala. Ellie i talem, “Taem mi folem Jisas, mi filim wom insaed long hat blong mi.”

Yia: 7

Blong Wea: Taoyuan, Taiwan

Ol Lanwis: Taiwanese, Mandarin, Inglis

Ol Gol: Plei gud piano, lanem Ol Toktok blong Bilif, lanem badminton

Ol Samting we I Laekem blong Mekem: Plei piano, ol art mo kraft, klaem ol ston, singsing

Famli: Ellie, Mama, Papa, smol brata, smol sista

Skripja Stori: Nifae i priten se hem i Leban blong go karem ol buk we oli wokem long bras (luk long 1 Nifae 4)

Ol Frut mo vejetebol: Hani Pijes, ol grep, mo enoki masrum

Kakae: Instant noodles

Kala: Renbow

Praemeri Singsing: “Families Can Be Together Forever” (Children’s Songbook, 188)