Ol Aktiviti blong Kam Folem Mi

Lod i singaotem ol bisop mo ol branj presiden blong help blong givim seves long ol pipol long ol wod mo ol branj blong olgeta (luk long Doktrin mo Ol Kavenan 72:2 Katem aot ol pepa hat mo raetemdaon ol samting we yu lavem abaot bisop o branj presiden blong yu. Skojem ol hat pepa ia long doa blong ofis blong olgeta o hom blong olgeta.

Wan dei bae yumi save stap long selestial kingdom wetem Papa long Heven, Jisas Kraes mo ol famli blong yumi (luk long Doktrin mo Ol Kavenan 76: 62, 70, 92 Olgeta skripja oli komperem selestial kingdom long san. Yusum wan pepa plet o pis pepa blong mekem san. Katem aot ol pepa traengol blong mekem ol rei blong san mo gluem o skojem olgeta i go long sekol. Tokbaot wanem yu save mekem naoia blong rere blong gobak mo stap wetem Papa long Heven mo Jisas Kraes wan dei.

Anda long daereksen blong God, Jisas Kraes i krietem evri animol long wol (luk long Doktrin mo Ol Kavenan 77:2). Plei gem blong traem ges long wan animol! Wan i priten blong hem i wan animol. Evri wan i traem blong ges se hem i wanem animol. Taem yu ges raet, talem wan samting yu laekem abaot animol ia.

Papa long Heven oltaem i harem ol prea blong yumi (luk long Doktrin mo Ol Kavenan 81:3). Wetem famli blong yu, singsing “A Child’s Prayer” (Children’s Songbook, 12). Statem singsing ia wetem wan man. Mo sloslo mekem evriwan i joen tugeta. Afta we yu singsing, tokbaot ol samting we yu save prea from olsem wan famli.