Ol Gospel Toktok blong Mi

Blong stap olsem wan man blong lukaotem gud i wan responsabiliti blong lukaotem gud wan impoten samting. Papa long Heven i trastem yumi blong lukaotem gud wol ia. Hemia i minim se Hem i askem yumi blong lukaotem gud mo protektem naesfala wol blong Hem.

Fasin blong Sakem Sin hem i olsem wanem yumi tanem yumi i go long Jisas Kraes taem yumi mekem wan rong joes. Blong sakem sin, yumi mas harem nogud long wanem yumi bin mekem, mo askem long Papa long Heven blong i helpem mo fogivim yumi, mo traem blong fiksim. From Atonmen ia blong Sevya, yumi save tanem baksaed long ol rabis joes mo mekem ol gudfala joes.

selestial kingdom i ples we Papa long Heven mo Jisas Kraes i stap laef long hem. Blong jusum blong folem Jisas Kraes, yumi save gobak mo stap long ples ia wetem ol famli blong yumi blong oltaem.

Girap bakegen long ded i taem we spirit mo bodi blong yu i kambak tugeta afta we yu ded. Taem we yu girap bakegen long ded, bodi blong yu i stret evriwan, mo yu nomo save sik o ded. From Atonmen blong Jisas Kraes, evriwan bae i laef bakegen long ded.