!Halo i Kam long Taiwan!

Taiwan i wan aelan kolosap long Hong Kong. I gat ova 23 milian pipol i stap laef longwe. Lanwis we oli toktok fulap long hem i Mandarin, Hokian, mo Hakka.

!Taem blong Silip!

Long Taiwan hem i nomol blong ol skul mo ol ofis oli tekem wan smol taem blong silip afta lanj.

Wan Spesel Flaoa

Plum bosom i kam ofisol simbol blong Taiwan long 1964. Oli jusum hemia from se hem i open gud long taem blong winta (ples i kolkol).

Hariap Dilevari

Taipei 101 hem i bilding we i tol bitim evri bilding long Taiwan. Hem i gat wan spid eleveta we i tekem 37 seken nomo blong i go long namba 5 floa blong kasem 89 floa.

Plante Hil

Moa long haf blong Taiwan i fulap wetem ol hil. I gat sam volkeno, be oli no bin faerap blong plante handred yia.

Naesfala Renbo

Renbo we i stap longtaem long wol i hapen long Taiwan. !Ol pipol oli save luk renbo blong kolosap naen aoa!

Skae Lanten Selebresen

Lanten Festifol blong Taiwan i wan simbol blong hop, glad, mo stap wok wan. Long taem blong bigfala festifol ia, ol pipol oli mekem ol lanten mo sendem olgeta i go long skae.