?Jisas I Ril?

I kam long Brynn J., 7 yia, Georgia, YSA

Wan smol gel i sidaon long tebol wetem mama, brata, mo sista blong hem

Wan dei mi bin joenem ol brata mo sista blong mi long tebol blong mekem famli skripja stadi. Mama blong mi i statem Kam Folem Mi lesen blong mifala, be mi no lisin gud. Mi stap tingting long wan defren samting: ?Jisas Hem i ril?

Long jos mo long Praemeri yumi lanem se Hem i ril, be long miwan mi no save. Mi tingting mo tingting, be mi no save faenem ansa.

Afta long skripja stadi, mi askem mama blong mi, “?Jisas i ril?”

“Gud kwestin” hem i talem. “?Olsem wanem sapos yu prea abaot kwestin ia?”

“OK,” mi talem.

Long naet mi talem wan prea mo askem, “?Papa long Heven, Pikinini blong Yu i ril?” Afta mi filim wan wom filing insaed. Mi save se Papa long Heven i bin ansa long prea blong mi. Afta long hemia, mi talem wan prea blong talem tangkyu long Papa long Heven blong ansa long mi. Mi save se Hem i lisin long ol prea blong mi mo bae Hem i lisin long blong yu tu.