Naesfala Wol blong Yumi
Oli karemaot long “Wok blong Yumi blong Lukaotem Gud Wol Ia,” Liahona, Novemba 2022, 57–59.
Waef blong mi mo mi i tekem sam long ol apu pikinini blong mitufala i go long wan naesfala garen long Franis. Mifala i laekem ol bed blong flaoa, ol wota lili mo ol smolsmol pul blong wota.
Garen ia i blong wan man we nem blong hem i Claude Monet. Hem i wan gudfala man blong peint. Hem i wok gud long garen blong hem blong 40 yia. Hem i peintem handred long ol pikja droing we hem i kasem insperesen tru long garen blong hem.
Ol Naesfala samting blong neja i save helpem yumi blong gat fasin blong talem tangkyu long Papa blong yumi long Heven mo long Pikinini blong Hem, Jisas Kraes. Tufala i krietem naesfala wol ia wetem ol hil, ol smolsmol wota, ol plan, mo ol animol.
Ol naesfala kriesen ia i soem hamas God i lavem yumi. Be, oli kam tu wetem ol wok mo responsabiliti. Hemia oli singaotem wok blong stap lukaotem gud. Yumi nidim blong lukaotem gud ol samting we God i krietem blong yumi.
Papa long Heven i invaetem yumi blong tekem pat tu long wok blong Kriesen blong Hem. Yumi save krietem art, miusik, mo plante narafala samting blong mekem ol laef blong yumi i hapi mo blesem ol narafala wan.
God i promesem ol bigfala blesing taem we yumi lavem mo kea long wol ia mo wanwan long yumi. Taem yu mekem hemia, bae yu filim moa lav blong Hem long laef blong yu.
Pis Pepa Art We I Brok
Bisop Caussé i tijim se yumi save kam ol man blong krietem ol samting tu! Hemia i wan kraft we yu save mekem blong rimaenem yu long ol naesfala kriesen blong Papa long Heven.
-
Faenem wan pikja blong wan samting long neja we i givim yu insperesen.
-
Long wan pis pepa, yusum wan pensel blong droem ol defren pat blong pikja.
-
Terem kala pepa blong yusum long pikja blong yu.
-
Gluem ol kala pis pepa insaed long aotlaen blong yu.
Pikja droing i kam long Maddie Baker